Viveiro, 15 de novembro de 2021. O Concello de Viveiro, a través da súa Concellería de Benestar Social, informa do programa ‘Xuntos polo Nadal’, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.
Este programa de promoción do envellecemento activo e convivencia, desenvolto pola Consellería de Política Social a través da Dirección Xeral de Maiores e Persoas con Discapacidade, comprende a estancia nunha residencia durante 8 días (7 noites), aloxamento en habitacións compartidas e manutención en réxime de pensión completa (no suposto de existir disponibilidade en habitacións individuais serán asignadas con preferencia aos participantes de maior idade).
Inclúe ademais o desprazamento en autobús desde os lugares que se establezan nas localidades que corresponda ata a residencia de tempo libre que se lle adxudique e viceversa e actividades de animación sociocultural.
“Para nós, como Concello de Viveiro, é moi importante apoiar e colaborar con este tipo de iniciativas dirixidas á persoas que teñen así a oportunidade de pasar estas datas tan sinaladas acompañadas”, asegura a concelleira de Benestar Social, Victoria Baamonde.
Levarase a cabo en dúas quendas, a primeira entre o 22 e o 29 de decembro e a segunda entre o 31 de decembro e o 7 de xaneiro, e poderán beneficiarse aquelas persoas que cumpran os seguintes requisitos: ter 60 anos, cumpridos no momento en que remate o prazo de presentación de solicitudes; estar empadroado nalgún concello galego; vivir so no seu domicilio e ter que pasar só/a as datas do Nadal; valerse por si mesmo e non padecer enfermidade transmisible con risco de contaxio, nin trastornos mentais ou condutuais non compensados que poidan alterar a convivencia durante o transcurso da estadía, e estar vacinado frente a COVID-19 segundo o calendario sanitario vixente.
Para a selección dos participantes daráselles preferencias ás persoas que perderan ao seu cónxuxe ou persoa coa convivisen nos últimos anos, que teñan máis idade e que non participaran no Programa Xuntos polo Nadal en pasadas edicións.
O prazo de presentación de solicitudes, que deben acompañarse do informe social e da declaración responsable, remata o 30 de novembro de 2021. As solicitudes, debidamente cubertas e asinadas, deben presentarse no formulario establecido, que pode descargarse na páxina web http://politicasocial.xunta.gal/web/portal/portada/xuntospolonadal
As solicitudes presentaranse preferiblemente por vía electrónica a través do formulario normalizado PR004, dispoñible na sede electrónica da Xunta de Galicia, no seguinte enderezo:
https://sede.xunta.gal/cas/login?service=https%3A%2F%2Fsede.xunta.gal%2Fpresenta%2 Flogin%2Fcas
Opcionalmente, poderanse presentar presencialmente en calquera dos lugares e rexistros establecidos na normativa reguladora do procedemento administrativo común e dirixiranse á xefatura territorial correspondente en función do ámbito territorial do solicitante.
En todo caso, poden solicitar máis información ou resolver calquera dúbida no departamento de Servizos Sociais do Concello de Viveiro (teléfono de contacto: 982 550 421).
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
