Ribadeo, 25 de xaneiro de 2022. Un total de 380 profesores e 134 alumnos e alumnas realizaron formación en países da Unión Europea, grazas ao programa Erasmus + no que participa a Asociación de Profesores de Automoción de Galicia, con sede en Ribadeo, desde o ano 2014. Desde entón foron 12 os proxectos desenvolvidos.
Para Álvaro Doural, presidente de Apaga, “é moi importante a labor de acollida de alumnado e profesorado doutros países que visitan empresas da zona e os rapaces realizan prácticas nesas firmas. A presenza de Apaga en 20 países da Unión Europea (Italia, Portugal, Francia, Turquía, Croacia, Bulgaria, Grecia, Romanía, Lituania, Letonia, Alemaña, República Chega, Dinamarca, Holanda, Finlandia, Eslovenia, Polonia, Estonia, Suecia e Eslovaquia) supón un elemento clave para dar a coñecer a nosa comarca e moi especialmente Ribadeo”.
Neste 2022 chegarán a Ribadeo profesores de Croacia e de Turquía. Será nos meses de abril e maio. “As mobilidades de alumnado e profesorado noso serán constantes desde marzo ata a xuño e logo outra vez en setembro e outubro. Os fluxos de mobilidade serán continuos”, segundo Doural.
A Unión Europea concedeulle a Apaga a acreditación Erasmus+ no ámbito da Formación Profesional para o período comprendido entre 2021 e 2027: “esa acreditación permítelle á nosa asociación dispor dos fondos económicos necesarios para realizar as mobilidades de alumnos/as e profesores/as”.
A finais de 2021 rematou o proxecto denominado Calidade, Eficiencia e Cooperación na FP “que permitiu que 40 profesores realizaran mobilidades de formación en Portugal, Turquía, Croacia, Italia, República Checa e Francia e 18 rapaces fixeron prácticas en Italia, Portugal e Croacia”.
Na actualidade Apaga ten activos 4 proxectos europeos: Internacionalización, sostibilidade e motivación para o coñecemento; Acreditación da mobilidade; Inclusión e empregabilidade a través da tecnoloxía do vehículo eléctrico; e Formación de aprendices de calidade, sostible, eficaz e con inclusión social.
Álvaro Doural amósase satisfeito dos resultados acadados con Erasmus+: “hai moito traballo detrás de cada proxecto, pero os resultados son moi bos. En plena pandemia tivemos alumnado en países como Italia e como Portugal, algo que para eles lles supuxo e lles supón un valor engadido á formación que reciben nos centros de ensino, xa que coñecen outras culturas e outras formas de traballar”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
