Santiago, 18 de xaneiro de 2022. O Grupo Popular demandará no Pleno da vindeira semana que o Goberno de España amplíe o programa de apoio ao Xacobeo 21-22 mediante a extensión das desgravacións fiscais ata o 31 de decembro de 2023. Así mesmo, solicitará que o Goberno central e Alcoa garantan a reactivación da planta de San Cibrao canto antes, ao tempo que se establece un marco enerxético competitivo para garantir o futuro da produción de aluminio primario.
Ao remate da Xunta de Portavoces, Pedro Puy informou que a sesión plenaria dará comezo coa comparecencia do conselleiro de Sanidade, por petición propia, para informar sobre a evolución da pandemia da Covid-19 e o seu impacto sobre a atención primaria. “Cumprimos deste xeito o noso compromiso de que o conselleiro compareza no primeiro pleno deste novo período de sesións, tal e como avanzamos na reunión da Deputación Permanente celebrada a pasada semana”, indicou.
INCONGRUENCIAS DOS SOCIALISTAS
Dentro do apartado de proposicións non de lei, o Grupo Popular solicitará a ampliación das desgravacións fiscais para o Xacobeo 21-22 ata o 31 de decembro de 2023, logo de que tanto os socialistas como os demais grupos políticos que apoian ao Goberno de Pedro Sánchez rexeitaran a emenda do Grupo Popular para incorporar esta medida nos orzamentos do Estado para 2022.
Ademais, Puy puxo de manifesto a incongruencia dos socialistas con iniciativas semellantes a esta debatidas con anterioridade no Parlamento galego e no Congreso: absténdose na Comisión 6ª da Cámara galega, pero apoiándoa na Comisión de Facenda do Congreso, pero despois non aceptaron a súa incorporación nos presupostos estatais.
Unha segunda proposición non de lei do Grupo Popular ten como obxectivo que o Goberno de España e Alcoa amosen o seu compromiso claro para garantir a reactivación da planta de San Cibrao, porque “España non pode prescindir dunha industria que se considerou básica durante a pandemia”.
O portavoz popular lembrou que o principal problema das industrias electrointensivas como Alcoa “ten que ver co prezo da luz, que supón un custe adicional para as empresas españolas en comparación coas súas competidoras europeas”. Deste xeito, demandou que tanto o Goberno central como a empresa se impliquen para reactivar as cubas canto antes, adoptando as medidas necesarias para poder contar cun prezo eléctrico competitivo e levar a cabo os investimentos comprometidos para reactivar a única planta de España que produce aluminio primario.
PREGUNTAS AO GOBERNO GALEGO
Polo que respecta ás preguntas ao Goberno galego, o Grupo Popular interesarase pola súa valoración do anteproxecto da futura Lei de vivenda estatal, logo de que o Consello Xeral do Poder Xudicial emitira a semana pasada un informe rexeitando esta iniciativa lexislativa por invadir as competencias autonómicas.
Unha segunda pregunta ten como obxectivo coñecer a situación actual do procedemento para as oposicións ao ensino galego e, por último, cuestionarase sobre os catro plans de rescate postos en marcha para mitigar os efectos da Covid-19 no tecido produtivo de Galicia.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
