Burela, 20 de xaneiro de 2022. Dende a Asociación de Veciños “O Vencello” de Burela demandamos á Deputación de Lugo e ao Concello de Burela que xestionen diante Fomento a construción dun enlace da estrada provincial LU-P-5102 (que une Ferreira con Burela) coa estrada N-642 á altura da Puída que permita eliminar o tráfico pesado de camións que na actualidade atravesan polo núcleo urbano.
Reclamamos axilidade a estas dúas Administracións despois de constatar que a empresa mineira Samca (que opera nos montes de Burela e Cervo) comenzou nestes días a transportar en camións as primeiras prospeccións de caolín ata a súa planta de Zamora. A isto hai que engadir tamén a gran cantidade de camións de madeira que atravesan regularmente o centro urbano burelao procedentes dos montes de Rúa, San Román, Trasbar, Ferreira, etc… ata a planta asturiana de Ence en Navia e tamén ata o porto de Burela.
Levamos anos advertíndolles aos distintos partidos políticos da necesidade de acometer un estudo técnico para habilitar un acceso que descargue de tráfico pesado o núcleo urbano do noso pobo.
Nestes dous últimos anos formulamos esta petición en entrevistas con representantes provinciais do PSdeG (Patricia Otero) e do PP (Elena Candia); e tamén cos responsables do Goberno local (con estes últimos en distintas ocasións). En todo este tempo so temos recibimos boas palabras pero ningún destes cargos públicos ten feito nada ao respecto; e mentres, vemos a diario como o tránsito de camións se multiplica nas nosas rúas (non hai máis que dar unha volta por zonas da nosa vila como a da Igrexa e pola avenida Arcadio Pardiñas para comprobalo).
Solicitude de Entrevistas con Deputación e Concello
Como mostra do desdén dos nosos responsables políticos por este problema queremos lembrar que o noso alcalde comprometerase publicamente a mediados de novembro do 2020 a abordar este asunto diante da Deputación durante a firma do convenio entre a Comunidade de Montes de Burela e a empresa mineira Samca para a explotación dunha extensión dos montes en man común.
Que nós saibamos dende aquela data o señor Llano non fixo absolutamente nada ao respecto, e si o fixo non o deu a coñecer a ninguén.
Por iso, imos solicitarlle por escrito unha entrevista para esixirlle que dunha vez por todas pase das palabras aos feitos e todos os grupos que forman a Corporación municipal tomen cartas no asunto e se poñan a traballar para atallar un problema do que levamos advertíndolles hai anos.
Tamén imos solicitar por escrito unha entrevista urxente co Presidente da Deputación (que tamén é o responsable das estradas de competencia provincial) para darlle a coñecer cal é a situación, xa que nin os seus compañeiros de partido nin tampouco os partidos da oposición fan nada ao respecto.
Somos conscientes de que a construción dun enlace para conectar a estrada provincial LU-P-5102 coa N-642 para derivar este tráfico pesado do núcleo urbano da nosa vila é unha obra que require de moitos estudios e se pode alargar moito no tempo; pero hai que lembrar que xa levamos máis de dous anos perdidos agardando a que os nosos políticos reaccionen e non estamos dispostos a agardar máis.
Eles son quen teñen as competencias e eles son os que deben de traballar para buscar unha solución. Nós, como asociación que representa aos veciños e veciñas de Burela, demandámosllo e esixímosllo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
