Ribadeo, 11 de febreiro de 2022. Acisa valora de xeito positivo a volta á normalidade horaria da hostalería, que entrará en vigor a vindeira media noite. Os locais rexeranse a partires de agora polas súas licencias, ao igual que facían antes da pandemia.
O presidente da Asociación de Comerciantes, Industriais, Servizos e Autónomos de Ribadeo, Francisco Iriarte, asegurou: “estamos satisfeitos de que se vaian eliminando pouco a pouco as restricións que aínda viña sufrindo a hostalería, o sector máis prexudicado desde hai dous por esta pandemia e polas medidas que se foron tomando en cada momento. Nós demandamos en moitas ocasións esta medida que acaba de adoptar agora a Xunta de Galicia e alégranos que algunhas asociacións de empresarios hostaleiros tamén se sumen ao que dixemos desde colectivos máis humildes, coma o noso”.
Iriarte Quintana agarda que “os hostaleiros se poidan esquecer pronto de ter que pedir o certificado covid á súa clientela, que tivo a súa función no seu momento para animar á vacinación, pero ao que agora xa non lle vemos ningún sentido. O único que fai é cargar dun traballo innecesario ao sector hostaleiro”.
Desde Acisa o seu presidente demanda que “se refaga canto antes o protocolo da hostalería segura e que se eliminen os niveis das cunchiñas, que seguen a ser un crebacabezas para o sector. Pensamos que cunha correcta ventilación e co emprego da mascarilla nos interiores sería mais que suficiente para garantir a seguridade do persoal hostaleiro e da súa clientela”.
Francisco Iriarte engade que “pouco a pouco chegaremos á normalidade anterior á pandemia. Xa queda menos. Coa responsabilidade de todos conseguirémolo”.
San Valentín
O xerente de Acisa, Jesús Pérez, anima “a facer as compras de San Valentín no comercio local de Ribadeo e a saír a celebralo na nosa hostalería. Sabemos que hai propostas e opcións para todos os gustos”. Namórate do Comercio de Ribadeo é a campaña da Asociación de Comerciantes, Industriais, Servizos e Autónomos para celebrar o Día de San Valentín. Acisa Ribadeo sorteará o vindeiro luns, 14 de febreiro, 3 experiencias que constan cada una de elas de dous días de desconexión (1 noite mais almorzo) para dúas persoas a escoller entre 2800 estancias nacionais. As persoas que estes días fagan as súas compras no comercio ribadense asociado recibirán papeletas para participar no devandito sorteo.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
