O mar é duro, o mar é traicioneiro, o mar é un medio hostil no que hai que traballar para abastecer de alimento á poboación, é a nosa forma de vida, o mar é fermoso pero hoxe temos o corazón enrugado polos compañeiros do Villa de Pitanxo. Calquera accidente nos trae á memoria accidentes anteriores que rememoramos con mágoa profunda; a xente do mar sabemos o que é vivir loitando contra a marea e os nosos pensamentos están estes días cos afectados e coas familias nunha sentida aperta de dor. As bandeiras da Federación galega de Confrarías permanecerán abrazadas cun lazo negro en memoria dos mariñeiros e en memoria das súas familias.
![As confrarías galegas manifestan o seu pesar polo accidente do Vila de Pitanxo](https://www.cronica3.com/wp-content/uploads/2022/02/Screenshot-2022-02-16-at-15-32-39-TRISTEZA-NO-MAR-E-NAS-CONFRARIAS-pdf.png)