Lugo, 23 de febreiro de 2022. A subdelegada do Goberno, Isabel Rodríguez, informou de que a Secretaría Xeral de Pesca do Ministerio de Agricultura, Pesca e Alimentación publica hoxe no Boletín Oficial do Estado a resolución pola que se determinan os barcos da Mariña autorizados á pesca da xarda e a distribución das capturas que lles corresponden este ano. A subdelegada anunciou que a cota inicial provisional de xarda que lles corresponde neste ano é de 645.235 kg.
A resolución da Secretaría Xeral de Pesca establece disposicións adicionais de ordenación da peixería da xarda das zonas 8c e 9a para os buques da flota de outras artes distintas as do arrastre e do cerco con porto base na provincia de Lugo. Nela establécense os barcos e o tope de capturas que lle corresponden neste ano e, logo de consultar co sector, fixouse o día 21 de febreiro como data de comezo da campaña
Desa cantidade, resérvanse 612.973,25 kg para os barcos que, realizando as súas capturas con liñas de man e/ou cordel, conten con topes de capturas de kilos (pesca dirixida). O BOE publica hoxe o listado deses 47 barcos e as cotas que lles corresponden. A fixación das cantidade de captura realízase tendo en conta o número de tripulantes medio no ano 2021 estando con porto base na provincia de Lugo, con un máximo de 7 tripulantes. Para as embarcacións que non teñen o ano natural completo con porto base na provincia compútase o perído de alta no Instituto Social da Mariña no ano 2021 que se divide entre os doce meses do ano.
Estes topes serán para todo o ano, ata o 31 de decembro, e non xerarán dereitos históricos para ningún dos pesqueiros. Cada un dos barcos que figuran no listado deberá consumir polo menos o 80% dos kilos que ten asignados para poder ser incluídos no listado do ano 2023. En ningún caso se poderán facer cesións de quilos entre barcos.
Tamén se reservan outros 32.261,75 kg para aqueles barcos que pesquen usando redes de enmalle, barcos de artes menores que usen aparellos de anzol distintos das liñas de mano e/ou cordel e barcos da modalidade de palangre de fondo, volanta e rasco que non están no listado do anexo. Esta reserva distribúese do seguinte xeito: 500 kg por tripulante enrolado e abordo con un tope de 3.000 kg á semana por embarcación. Tamén neste caso a asignación será para todo o ano ata o 31 de decembro.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
