Santiago de Compostela, 11 de marzo, 2022. A deputada do BNG, María Albert defendeu unha proposición non de lei para mellorar o texto da nova Lei de Montes veciñais en man común. Pola súa parte, O PP votou en contra da proposta do BNG para non incluír na nova lei o punto da iniciativa nacionalista referido ás “demandas do sector”.
Para a nacionalista, os montes deben contar con “ ferramentas, orzamentos, políticas e vontades para modernizar, garantir o relevo xeracional e aproveitar as potencialidades daquilo que nos caracteriza e nos fortalece”, e esta garantía temémola, dixo nas
Comunidades de Monte Veciñal en Man Común.
O pasado día 4 de marzo, explicou a parlamentaria do BNG, coñeciamos o comunicado da Organización Galega de Comunidades de Montes (ORGACCMM) en relación a un “grave desencontro coa Xunta de Galiza tras negarse a Consellería de Medio Rural a certificar a composición da xunta directiva da ORGACCMM”. Medio Rural argumentou que non consideraba esta organización unha comunidade de Montes e polo tanto “non tiña dereito á representación legal das comunidades de montes que a conforman”.
A deputada, tras cualificar o acontecido de “inédito” , incidiu na idoneidade da “iniciativa do BNG ante un ataque “denodado, sen cuartel, e con obxectivos pouco confesábeis que o Partido Popular está a facer por terra, mar e aire contra as Comunidades de Montes do noso país”.
A ORGACCMM,explicou, ten unha traxectoria de 23 anos de traballo e o seu obxectivo sempre foi a “protección dos montes veciñais e os intereses da veciñanza comuneira fronte aos intereses especulativos e urbanísticos”.
Ante a negativa da Consellaría do Medio Rural a certificar a súa xunta directiva a organización recalca que desde o mesmo momento da súa constitución, “ cumpriu todas as normas exixidas, recoñecida por outras consellerías da Xunta de Galiza como a entidade máis representativa das comunidades de montes e participa en distintos órganos consultivos do goberno autonómico”.
Que pretende a Consellaría con este proceder?preguntou a deptuada. “Ilegalizar a Asociación impedíndolles realizar calquera trámite administrativo cando teñen mesmo, presentado no Parlamento unha Iniciativa Lexislativa Popular para modificar a Lei de Montes?.
Vostedes usaron a “Lei de acompañamento aos orzamentos” para 2022 para introducir importantes modificacións e este ano dedicáronlle especial atención á Montes Veciñais en Man Común. Neste ámbito, dixo, as súas políticas queren “ traspasar, alí onde non exista veciñanza, os montes veciñais a titularidades públicas eliminando dun golpe o seu carácter veciñal” e por outra parte, alegar razóns burocráticas para que un monte veciñal en man común poida ser declarado en estado de grave abandono ou degradado para entregalo á xestión dunha empresa forestal ou madeireira por un período de 50 anos”.
“Unha lei que regula os Montes Veciñais (que ocupan 600.000 has – un 23% do monte deste país) non pode ser modificada pola porta de atrás”. Ademais, a Organización Galega de Montes Veciñais en Man Común (ORGAMMVV) tense mostrado moi crítica coas reformas lexislativas introducidas, e o pasado 14 de xaneiro rexistraron no Parlamento de Galiza unha “Iniciativa Lexislativa Popular” para a elaboración da nova Lei na que estabelecen as liñas mestras que entenden básicas para que a norma poida satisfacer as necesidades do sector.
A Iniciativa Lexislativa Popular, elaborada por todas as comunidades de montes tenta reforzar “o carácter xermánico (comunal) dos montes veciñais, a mellora do funcionamento asembleario e democrático das comunidades de montes, o recoñecemento da titularidade veciñal como unha máis e distinta das titularidades públicas e privadas, acadar un monte veciñal multifuncional e sustentábel, e unha fiscalidade axeitada á figura e ás funcións dos montes veciñais.
A deputada preguntou ao portavoz popular, Antonio Armada Pérez, si podía defender o seu voto en contra ao contido da ILP ou máis ven si o rexeitamento do PP á iniciativa do BNG estaba relacionado co punto sobre a incorporación das demandas do sector
a nova Lei de Montes veciñais en man común.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
