Ribadeo, 4 de marzo de 2022. O Concello sacou a licitación as obras de acondicionamento e renovación de viarios no barrio da Pega e na rúa do Río do Amalló. O investimento ascenderá a 300.000 euros, dos que a Área de Medio Rural da Deputación de Lugo achega 285.000 euros. As empresas dispoñen de 20 días naturais para presentar as súas ofertas.
O alcalde, Fernando Suárez, dixo que “desde o Concello queremos anunciar que no día de hoxe sacamos a licitación pública, a través do procedemento aberto, as obras de acondicionamento e renovación do barrio da Pega e da rúa do Río do Amalló. O proxecto redactado polo técnico municipal ascende a 300.000 euros. Para esta importantísima obra contamos imprescindible axuda de 285.000 euros da Área de Medio Rural da Deputación. Agora, e durante 20 días naturais, todas as empresas cualificadas poderán presentar as súas ofertas económicas. Teñen toda a información na Plataforma de Contratos do Estado ou ben na Páxina web do Concello”.
O rexedor subliñou que “damos hoxe pois, un paso definitivo para arranxar as rúas duns barrios da nosa vila que non se atopaban en bo estado de conservación e que levaban moitos anos necesitando unha mellora. Estivemos estes meses cun intenso traballo técnico para artellar uns proxectos de mellora destes viarios públicos, tendo en conta que non se trata só de viarios interiores, senón tamén de paso do Camiño de Santiago, de intercomunicación da vila coas parroquias, etc. As actuacións desenvolverémolas, concretamente, nas rúas Camiño da Pega, A Pega-Camiño do Cemiterio, Camiño da Ponte da Pega, rúa do Río de Amalló e na Veigadaira. Estes traballos centraranse na renovación do pavimento e das redes de abastecemento e saneamento”.
Rúas Camiño da Pega e A Pega-Camiño do Cemiterio
Suárez Barcia explicou que “nas dúas primeiras, que forman parte da traza do Camiño Norte de Santiago, o cambio do pavimento irá acompañado dunha transformación integral xa que se habilitará unha zona de beirarrúa, que permita o paso das peregrinas e peregrinos que discorren actualmente pola calzada, polo lado norte na rúa Camiño da Pega e polo lado sur na rúa A Pega-O Camiño do Cemiterio. Ademais, renovarase a tubaxe de abastecemento de auga municipal e substituirase a rede de sumidoiros existente por unha nova en pvc na que desaugarán as distintas acometidas de saneamento das vivendas. Ao longo do trazado, colocaranse novos sumidoiros. Na rúa do Camiño da Pega, tamén se modernizará o alumeado, con novos postes e luminarias LED”.
Rúa do Río do Amalló
O alcalde contou que “na rúa Río do Amalló, farase un novo aglomerado sobre o firme existente na parte que o PXOM cualifica como solo urbanizable. Logo, no tocante á parte de solo urbano consolidado instalarase na zona mais baixa onde se atopan as vivendas, unha tubaxe para recollida das pluviais, solventando os problemas xerados polo estancamento de auga nas casas que se atopan á mesma altura que a calzada. Ao mesmo tempo, renovarase a rede de abastecemento, completarase a rede de sumidoiros existente e sinalarase vertical e horizontalmente”.
Camiño da Ponte da Pega e Veigadaira
O rexedor engadiu que “no tocante á rúa Camiño da Ponte da Pega e na Veigadaira, os traballos centraranse no asfaltado e na limpeza dos puntos incontrolados de nacemento de maleza, tanto sobre a propia calzada como nos arredores da mesma”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
