Lugo, 7 de abril de 2022. O PP intensifica a proximidade cos lucenses cunha web máis dinámica e interactiva, na que incorpora o chat do cidadán, a través do que calquera persoa pode enviar a súas propostas ou queixas, e así acertar mellor nas decisións e na liña de actuación da formación de caras ás eleccións de 2023.
Tal e como informou a presidenta provincial, Elena Candia, será o vicesecretario de Fomento, Afiliación e Programas, José Manuel López Rodríguez, o que se encargue de canalizar todas as mensaxes de WhatsApp de xeito que a resposta sexa o máis inmediata e precisa posible.
Os populares elixiron o día de hoxe para a presentación e activación do novo portal porque “España comezou a pasada fin de semana unha nova etapa”. “Os valores que representa o presidente Feijóo son traballo, cercanía e xestión; os mesmos valores, dixo, que intentamos transmitir con esta iniciativa que abrimos hoxe á sociedade lucense”, destacou ao tempo que remarcou que “o que intentamos cada día que isto sexa a nosa carta de presentación para convencer aos nosos veciños e veciñas desta provincia”. Tal é así que se referiu ao presidente do Partido Popular como “o mellor arquitecto para construír unha alternativa a un Pedro Sánchez , que non está á altura das circunstancias, e que ata fixo bo a Zapatero”, sentenciou.
“Facer provincia”
Na nova páxina está representada toda a estrutura do Partido pero tamén todas aquelas liñas de actuación “nas que traballamos para mellorar a nosa provincia”; de aí que o formato elixido para facer pública a páxina www.ppdelugo.es fose un almorzo informativo con produtos “que nos representan como lucenses; en definitiva, como provincia”.
Precisamente, neste traballo de facer provincia, destacou que 19 agrupacións municipais xa renovaron a súa estrutura -Ribadeo, Viveiro, Burela, Vilalba, Monforte de Lemos, O Incio, Páramo, Guntín, Friol, Sober, Portomarín, O Corgo, A Fonsagrada, Baleira, Muras, Rábade, Monterroso, Trabada e Baralla-, e adiantou que, despois da Semana Santa, se retomará a programación que se viu paralizada debido á convocatoria do Congreso Nacional. Neste senso, adiantou que Chantada será a próxima agrupación que elixirá nova directiva. Ademais, constituíronse dúas xestoras: Sarria e A Pastoriza. “Isto implica que creamos importantes grupos de traballo de cara á municipais e que suman medio millar de persoas; estruturas fortes para presentar alternativas gañadoras nas municipais. Somos un Partido que está medrando. A sociedade lucense nos mira con expectativas e con miras de recuperar gobernos e tamén a Deputación”. A este respecto, Elena Candia defendeu a importancia do cambio no organismo provincial. “Dos 7 días que ten a semana, Tomé dedícalle 4 a Monforte. Temos matematicamente unha Deputación sen presidente. Non o di Elena Candia nin o PP, senón o propio presidente”, detallou.
Características da nova web
O desenvolvemento da nova páxina é o de web responsive e totalmente adaptada a todos os dispositivos (móbiles, tabletas, ordenadores…). Para a súa creación empregouse o CMS WordPress, debido a que é moi amigable cos motores de busca e isto facilita o seu posicionamento en Google. Mantense en todo momento a imaxe corporativa, respectando as cores e tipografías oficiais. O backend de WordPress, así como o editor visual empregado (Elementor) facilita a xestión de contidos das persoas que se encarguen dos contidos web. É, por tanto, unha páxina dinámica, interactiva, escalable e aberta a novas funcionalidades.
Elena Candia estivo acompañada da CEO de Pekecha –empresa creadora do portal-, ademais de por outros cargos orgánicos como o secretario xeral, Javier Nodal, o coordinador xeral, José Manuel Balseiro, o voceiro do Grupo Provincial, Javier Castiñeira, e o voceiro e vicevoceiro do Grupo Municipal de Lugo, Ramón Carballo e Antonio Ameijide, respectivamente.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
