A Fundación Expomar celebrou este xoves 12 de maio a clausura do programa de nutrición e saúde mental “Mens Sana in Corpore Sano”, e anuncia as ponencias das Xornadas Técnicas 2022.
Burela, 12 de maio, 2022. A clausura desta primeira edición do programa “Mens Sana in Corpore Sano” tivo lugar no centro de día da Fundación Eu Son, en Burela, coa interveción da concelleira de Mar e Servizos Sociais do Concello de Burela, Carmela López, acompañada polo xerente da Fundación Expomar, José M. González ‘Brais’, a directora da Fundación Eu Son, Noelia Eijo, e o concelleiro de Obras, Deportes, Turismo e Comercio do Concello de Burela, Ramiro Fernández.
Carmela López destacou o éxito destas xornadas, que serviron non só para informar e sensibilizar á poboación sobre o cuidado da saúde, senón para poñer en valor o traballo fundamental que realizan as asociacións locais adicadas á saúde mental na Mariña de Lugo: “Somos moi afortunados ao contar cos servizos destas tres entidades na nosa vila; debemos apoialas de maneira incondicional e grazas a estas xornadas promovidas pola Fundación Expomar puidemos poñelas en valor”.
A continuación celebrouse a última das tres degustacións de peixe dirixidas especialmente aos usuarios deste mesmo centro e mais da unidade residencial da Asociación Saúde Mental A Mariña, en Cervo. Logo das degustacións de pescada do pincho e bonito de Burela, nesta ocasión saborearon diferentes receitas elaboradas con polbo da Mariña, que se presentaron sobre pratos feitos a man no obradoiro de cerámica da propia Fundación Eu Son.
A Fundación Expomar seguirá promocionando o consumo de peixe e o coidado da saúde a vindeira semana coa celebración da 29ª edición das Xornadas Técnicas, que terán lugar como cada ano no salón de actos da Confraría de Pescadores de Burela, e nas que participarán recoñecidos profesionais do sector pesqueiro e da saúde.
De feito, a xornada do venres pola mañá “Sostenibilidade, saúde e comportamentos de compra” presenta temas de grande interese xeral e contará coas intervencións do cardiólogo e un dos promotores da Dieta Atlántica, Guillermo Aldama; a experta en hábitos de consumo, Cristina Cucullo; e Gumersindo Feijoo, vicerreitor da Universidade de Santiago de Compostela e promotor da ecoetiqueta Pescaenverde.
Previamente teranse celebrado o xoves o Encontro Empresarial de organizacións pesqueiras, pola mañá, e a primeira xornada técnica “Xestión pesqueira e mercado europeo” pola tarde, tamén coa participación de profesionais referentes do sector, e que contará coa apertura a cargo da conselleira do Mar da Xunta de Galicia, Rosa Quintana. As xornadas están abertas ao público con entrada libre e tamén se poderán seguir en directo a través da páxina de expomar.com
Tanto as Xornadas Técnicas como as xornadas de nutrición e saúde mental “Mens Sana in Corpore Sano” están promovidas pola Fundación EXPOMAR e financiadas polo GALP A Mariña Ortegal.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
