A Voceira socialista do Goberno, Pilar García Porto, explicou no Pleno extraordinario que a sentenza do Tribunal Supremo non anula os encargos nin impide que se traballe con TRAGSA, xa que xa se lle deu cumprimento á sentenza ao quedar ratificada a compra da acción por parte da administración provincial no Pleno de abril 2022
Lugo, 24 de febreiro de 2026. A Voceira socialista do Goberno, Pilar García Porto, explicou que a sentenza do Tribunal Supremo non anula os encargos realizados nin impide que a Deputación continúe traballando con TRAGSA, empresa pública estatal que actúa como medio propio da administración provincial. O que sinala, explicou a Deputada, é unha cuestión formal: que a decisión inicial debía ser adoptada polo Pleno e non mediante decreto. Esa circunstancia quedou resolta na sesión plenaria de abril de 2022, cando o Pleno ratificou expresamente a compra da acción e os encargos realizados. Así o explicou nun Pleno extraordinario solicitado polo Partido Popular. A moción foi rexeitada cos votos en contra do PSdeG e BNG.
Lembrou García Porto que ese acordo plenario foi recorrido polo Partido Popular, pero o Xulgado do Contencioso-Administrativo nº 1 de Lugo desestimou integramente o recurso e declarou conforme a dereito a actuación da Deputación. Despois diso, o PP non recorreu esa resolución, polo que a sentenza é firme. “Existe, por tanto, seguridade xurídica sobre a validez do acordo”, afirmou a Deputada.
En relación coa memoria económica, os tribunais tamén deixaron claro que non era obrigatoria neste caso, ao tratarse TRAGSA dunha empresa pública estatal e non dunha sociedade dependente da Deputación.
Ademais, como explicou á entrada do Pleno a Presidenta, ela mesma solicitou informes económicos e xurídicos desde o inicio do mandato para analizar con detalle esta cuestión. “Dende a primeira semana que cheguei expuxéronme todos os conflitos que había enriba da mesa e xa solicitei informes económicos e xurídicos. Non se pode tomar unha decisión sen garantías. Nós queremos traballar coa documentación e sabendo que o que traemos é real e o podemos facer”. Nese sentido, García Porto detallou que a propia Deputación conta cun informe da Asesoría Xurídica.
No que respecta á situación dos traballadores e traballadoras, existe un procedemento aberto no Xulgado do Social nº 1 de Lugo. “É prudente e responsable vir aquí cando dependemos das decisións dos tribunais? Trátase dunha cuestión que debe resolverse no ámbito xudicial correspondente. A Deputación non pode nin debe substituír aos tribunais nin adoptar decisións políticas sobre materias que están pendentes de resolución xudicial”. “Non é responsable xogar coas expectativas dos traballadores”, afirmou.
A Deputación de Lugo reitera que seguirá actuando con rigor, responsabilidade e respecto á legalidade, garantindo a continuidade dos servizos públicos, a estabilidade institucional e a defensa dos intereses da provincia.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
