Este mes de febreiro, concretamente o próximo luns 23, celebramos o día de Rosalía de Castro. E ese día cumpriranse os 189 anos do seu nacemento. Unha data que vimos celebrando ano tras ano con múltiples actos e actividades espalladas por todo o país. Unha clara mostra de que a súa figura está máis viva ca nunca e convertida xa nun símbolo atemporal da nosa cultura. En definitiva, esta ampla e continuada celebración semella a forma mais acaída para manifestar o recoñecemento máis franco á nosa escritora nacional, porque con ela, como nos di o profesor Anxo Angueira, naceu un horizonte de esperanza e dignidade para Galiza e para a súa cultura e a súa lingua.
Pero a importancia de Rosalía transcende o eido literario e vai moito máis aló da escritora que liderou o rexurdimento das nosas letras elevando o noso idioma a instrumento de cultura.
Porque tamén cómpre recoñecerlle a sus valentía como muller para desafiar o seu tempo e comprometerse de cheo coa dignificación dun idioma, o galego, no que falaba a maioría do noso pobo formado, en gran parte, por xente probe e humilde.
Un feito que nos corrobora Álvaro Cunqueiro cando afirma que o noso idioma, dende finais da Idade Media ata ben entrado o século XX era unha lingua de poetas e de probes.
Mais haberá que esperar á segunda metade do século XIX para que estas dúas realidades das que nos falan Cunqueiro acaden, na obra poética de Rosalía, a súa plena conxunción. Unha obra, que entre outra cousas, acabou sendo o reflexo dun pobo secularmente humillado e frustrado na súa realización histórica.
E desta situación de inxustiza e desamparo en que vivía a maioría da nosa xente emerxerá en Rosalía un profundo sentimento de tristura e de dor que atravesará toda a súa obra poética, chegando a súa máxima expresión no seu poemario de Follas novas.
Pero Rosalía, ademais de ser ese eco de ” fondo penar” da xente da xente probe e humilde, tamén sería expresión de rebeldía e feminismo ademais dun pleno compromiso coa dignificación do seu pobo, da súa cultura e da súa lingua.
Enfín, toda unha mostra da súa grandeza espiritual e de lealdade co seu pobo, que ano tras ano lle recoñecemos lembrando e homenaxeando a súa inmensa figura, tanto humana como literaria.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
