A conselleira do Mar, Marta Villaverde, asinou o convenio de colaboración con esta entidade
Santiago de Compostela, 25 de febreiro do 2026. A conselleira do Mar, Marta Villaverde, asinou hoxe un novo convenio de colaboración coa Federación Galega de Redeiras Artesás O Peirao para o ano 2026, co obxectivo de seguir apoiando o funcionamento ordinario desta entidade representativa dun oficio esencial para a actividade pesqueira galega.
O acordo, subscrito no despacho da titular de Mar, contempla unha achega de 10.000 euros por parte da Xunta para sufragar gastos correntes derivados da actividade que desenvolve a federación. Deste xeito, o Goberno galego mantén un apoio continuado a esta entidade desde hai anos, cun investimento acumulado que alcanza os 122.000 euros desde o 2017.
Durante o encontro, Marta Villaverde puxo en valor o papel estratéxico das redeiras dentro da cadea mar-industria e reiterou o compromiso do Goberno galego coa dignificación, visibilización e fortalecemento deste colectivo, clave para a seguridade, a eficiencia e a sustentabilidade das artes de pesca.
A Federación Galega de Redeiras Artesás O Peirao, creada en 2004 e con sede en Malpica, integra na actualidade oito asociacións ao longo do litoral galego e representa arredor de 150 profesionais. Entre os seus obxectivos figuran a mellora das condicións laborais e económicas das redeiras, a loita contra o intrusismo, o fomento da prevención de riscos laborais, a promoción da igualdade e o impulso do relevo xeracional.
A Consellería do Mar destaca a colaboración con esta entidade para avanzar na profesionalización do oficio, reforzar a súa competitividade e garantir o futuro dun sector tradicional e imprescindible para a pesca galega.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
