Lara Méndez criticou que o Goberno galego desmantele o proxecto ideado para compensar a decisión de Fraga de desviar a A-8, que deixou illada A Mariña
Santiago de Compostela, 25 de febreiro, 2026. A deputada socialista Lara Méndez denunciou hoxe no pleno do Parlamento galego que a proposta que vén de presentar Rueda para o tramo da vía de alta capacidade Costa Norte á altura de Viveiro substitúe o proxecto orixinal “por unha pista asfaltada”. Tal como explicou, ese treito vai pasar de 18,86 quilómetros a só 10,45, co que se reduce a súa lonxitude en 8,41. A iso únese que o orzamento previsto, de 254,17 millóns, convértese agora nun de unicamente 62,68, é dicir, de 191,49 millóns menos.
Méndez criticou que esa “estafa” á veciñanza se materializase tras a “moción de censura fake” en Viveiro. “O que non está claro é se a Por Viveiro tamén o enganaron”, ironizou sobre o apoio da formación independente ao PP a cambio da construción dunha vía de altas prestacións que agora a Xunta non quere facer.
Censurou tamén que o proxecto da VAC, ideado para compensar a decisión de Fraga de desviar a A-8, que deixou illada A Mariña occidental e o Ortegal, permaneceu esquecido mentres gobernaba Viveiro o Partido Socialista. Segundo recordou, foron “anos de negativas, de ignorar, de non querer recibir a ninguén” para abordar o tema, e por enriba, a Xunta do PP obrigou ao Concello a incluír no Plan Xeral de Ordenación Municipal “o trazado imposto pola Xunta para a VAC”.
Porén, agora que o Partido Popular conseguiu facerse coa alcaldía, “renuncia á VAC, renuncia a unha mobilidade real, renuncia a solucionar os problemas estruturais de tráfico, renuncia á dinamización económica e social de toda unha comarca”, advertiu Lara Méndez, que sinalou un problema máis grave: o PP fai todo iso “sen medir o alcance legal de desenvolver o PXOM coa inclusión dese trazado da VAC”.
“Mentiron á veciñanza”, afirmou a parlamentaria do PSdeG sobre un treito que, no mellor dos casos, non se comezará a construír antes do 2028 pese ás présas coas que Rueda o anunciou. Méndez esixiulle á Xunta que desbote ese plan e retome xa o proxecto previsto de vía de altas prestacións como alternativa de paso ao casco urbano de Viveiro, pero tamén o seu desenvolvemento tal e como estaba planeada, entre San Cibrao e Ferrol, co fin de artellar as comunicacións do norte de Galicia.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
