O BNG propón que a Consellería de Medio Rural execute as obras de acondicionamento pendentes
Mondoñedo, 19 de maio do 2022. A Consellería do Medio Rural anunciou a pasada semana que a Dirección Xeral de Desenvolvemento Rural aprobara a firmeza do acordo da zona de concentración parcelaria de Mondoñedo Norte que afecta as parroquias de Vilamor, Masma e Couboeira e segundo esta consellería agora só queda pendente de aprobar a acta de reorganización, o que suporá o remate administrativo deste proceso que quedará finalmente rematado coa entrega dos títulos de propiedade.
O concelleiro do BNG en Mondoñedo, Eloi Cabanas, acompañou aos parlamentarios nacionalistas Daniel Castro e X. Luís Rivas “Mini” por distintas zonas da concentración parcelaria para comprobar as eivas que presenta e anuncian actuacións no Parlamento para que as Actas de Reorganización da Propiedade non se entreguen mentres as actuacións de acondicionamento e mellora das novas parcelas non estean rematadas. “Fincas sen acondicionar, sen entrada e estradas vellas asfaltadas dentro das novas fincas de substitución son exemplos da precariedade con que a consellería do medio rural pretende entregar os títulos de propiedade de varias parcelas.”
Eloi Cabanas apunta que o artigo 60 da Lei 4/ 2015, do 17 de xuño, de mellora da estrutura territorial agraria de Galicia indica que, “unha vez aprobadas as bases de reestruturación parcelaria, a dirección xeral competente en materia de desenvolvemento rural, por proposta do servizo provincial correspondente, aprobará un plan de obras que reflectirá todas as actuacións en infraestruturas rurais colectivas indispensables para a reestruturación parcelaria”.
Estarán incluídas no plan as obras de acondicionamento e mellora da estrutura dos novos predios a eliminación de accidentes naturais ou artificiais que impidan ou dificulten o cultivo acaído dos predios de substitución, o saneamento de terras, as nivelacións e outros traballos de conservación do solo e, en xeral, calquera actuación que mellore a viabilidade do predio para o seu cultivo.
“Fai máis de 10 anos que viñeron á escola de Vilamor recoller as demandas dos propietarios pero as obras de mellora non se produciron”.
A veciñanza demanda que se executen as obras pendentes
No ano 2012, fíxose un proxecto de acondicionamento de fincas porque o persoal técnico da Consellería considerou que era necesario e denuncian que aínda que moitos propietarios tiveron que acondicionar as novas parcelas de substitución pola súa conta, a día de hoxe 10 anos despois segue habendo explotacións agrarias prexudicadas por non poden facer uso debido das súas parcelas.
O BNG propón que sexa a consellería do Medio Rural a que revise o proxecto de acondicionamento do ano 2012 e ben de oficio ou a instancia dos novos propietarios execute as obras de acondicionamento pendentes que son necesarias para facer un bo uso das novas fincas resultantes do proceso de concentración parcelaria.
Esta mesma proposta xa fora levada a pleno nunha moción que presentara o BNG no concello no ano 2019 e que fora aprobada por unanimidade.
X. Luís Rivas, “Mini” lamenta o retraso deste proceso de concentración e critica que pasados máis de 30 anos a Xunta non fora capaz de entregar a concentración parcelaria nas debidas condicións e pregúntase se estas son as aldeas modelo que tanto pregoa o Partido Popular.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
