Ribadeo, 29 de xuño de 2022. A vindeira fin de semana, os días 2 e 3 de xullo, Apaga impartirá nas súas instalacións, en Ribadeo, un curso de soldadura mig maG. A Asociación de Profesores de Automoción de Galicia prepara para agosto un campus de mecánica do automóbil. A inscrición está aberta.
O presidente de Apaga, Álvaro Doural, contou que “continuando coas actividades de formación esta fin de semana terá lugar un curso de soldadura mig mag, que se combinará cos outros tipos de soldadura de electrodo, tig… será nas nosas instalacións e vaise impartir tanto o sábado coma o domingo de dez da mañá a oito da tarde e contará coa asistencia de 10 persoas”.
Doural subliñou que “temos varias citas pendentes durante o verán. En xullo terá lugar o curso de corte de xamón, que será impartido por Jorge Díaz, o mellor cortador de España. E teremos o campus de mecánica en agosto, a inscrición está aberta neste momento e gustaríame recordar que estará aberto a todos os públicos. As persoas que queiran asistir non precisan ter coñecemento algún sobre mecánica. Será unha nova experiencia para a xente que queira ter un contacto coa mecánica e co mundo do automóbil, especialmente os afeccionados ao sector e tamén para aqueles rapaces que o vindeiro curso vaian facer un ciclo formativo ou algo relacionado co mundo do automóbil”.
O presidente de Apaga engadiu: “despois a finais de agosto teremos o Fórum de Innovación e Formación sobre Vehículos e en setembro retomaremos o plan de formación de Apaga. Agora mesmo estamos a facer un estudo entre os socios e o sector empresarial para coñecer as necesidades de formación que hai neste momento e intentaremos axustar o plan de formación á demanda existente”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
