Mali Méndez: “xa lle solicitamos por escrito que acometesen canto antes estes traballos nas estradas que transcorren polo noso termo municipal e que son da súa competencia porque o seu estado supón un perigo para a seguridade das persoas”
Cervo, 7 xullo de 2022.- O Concello de Cervo vén de urxirlle por escrito á Deputación provincial que acometa as tarefas de roza e acondicionamento das vías que son da súa titularidade e que “xa iniciado o verán, presentan unha imaxe de absoluto abandono” xa que “están completamente invadidas pola maleza”.
Desde a administración local non se explican como a estas alturas do ano as estradas da Deputación presentan este aspecto descoidado “e non estamos a falar dun feito puntual, senón que é un feito recorrente que se repite verán tras verán”.
A falta de previsión –apuntan- é evidente e a desidia da Adminsitración autonómica tamén.
As vías de titularidade provincial que se atopan nun estado deficiente son:
-Río Covo – Porto de San Cibrao LU-P-1501
-Burela – Vilaestrofe – Ferreira LU-P-1502
-Río Covo – Trasbar – Vilaestrofe LU-P-1503
-Río Covo – Fábrica de Sargadelos LU-P-1504
-Sargadelos – Vilaestrofe LU-P-1505
-Cervo – Cuíña LU-P-1506
-A Venta – Lieiro LU-P-1507
-Figueirido – Paraño – Sargadelos LU-P-1508
-Pedrouzos – Senra LU-P-1509
-San Cibrao – A Marosa – Burela LU-P-1510
Desde o Concello de Cervo pídenlle pois, encarecidadamente, á Deputación Provincial que asuma a súa responsabilidade e que acondicione estas estradas con urxencia “porque o verán xa comezou oficialmente, e como saben –indica a tenente de alcalde Dolores García Caramés- é nestas datas cando o fluxo de peóns e tamén de vehículos se ve notablemente incrementado, co correspondente risco que supón a falta de visibilidade e de espazos adecuadamente transitables que detectamos e identificamos en numerosos puntos destas estradas provinciais”.
Ante a inoperancia da Deputación, xa iniciado o mes de xullo, Méndez avanza que dado o aspecto “selvático” que presentan algunhas zonas do municipio “o Concello tomará a iniciativa de comezar a limpar nas zonas máis transitadas”; agardando que o organismo provincial asuma a súa responsabilidade axiña.
Así, avanzou que o persoal municipal realizara tarefas de roza e limpeza nas vindeiras horas nas beirarrúas que unen Río Covo e San Cibrao; cuxo mantemento –recorda- “é exclusivo da Deputación”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
