Os populares replican á critica que o secretario xeral do PSdeG fixo ao labor da Xunta no rural na Festa da Malla de Meira, un concello que a pesar de ter maquinaria non acometeu aínda as tarefas de roza
Lugo, 28 de agosto de 2022. Con frecuencia, descoñecer o entorno xera risco de cometer erros en calquera actividade, pero moito máis en política. O secretario xeral do PSdeG, Valentín Formoso, coñece pouco a provincia de Lugo e, á vista das súas declaracións, coñece aínda menos o Concello de Meira, no que asistiu á Festa da Malla. Só por descoñecemento, e con ousadía digna de mellor causa, puido relacionar Formoso, sinala o PP da provincia de Lugo, a situación demográfica de Lugo coa xestión da Xunta de Galicia. En calquera outro concello sería disparatada tal afirmación, pero no de Meira, afirma o PP da provincia de Lugo, moito máis, porque o goberno dese municipio non atende debidamente ás súas responsabilidades e así causa graves inconvenientes aos seus veciños. Dous exemplos: non fixo os desbroces no rural e mantén pechado o centro de día. Igualmente, os populares recomendan a Formoso que, se de verdade está preocupado por asentar poboación no rural, faga valer a súa autoridade no partido con respecto ao alcalde de Pol, para que deixe de portarse de maneira despótica cos cidadáns; no PP supoñen que o secretario xeral coñece, aínda que só sexa polos medios de comunicación, recentes comportamentos inaceptables do alcalde de Pol, Lino Rodríguez.
O PP lucense destaca que o Concello de Meira dispón de maquinaria para levar a cabo as necesarias tarefas de roza no rural. Conta con tres desbrozadoras e dous tractores, pero, polo que se ve, non os utiliza. Polo tanto, está claro que o Concello de Meira non crea as condicións necesarias para facer atractivo o rural para residir; non crea as condicións para asentar poboación no rural.
Os populares din a Formoso que se coñecera o entorno no que fixo as indicadas declaracións sabería que Meira mantén pechado o seu centro de día. Nun territorio con poboación moi envellecida, os centros de día son recursos moi necesarios para a poboación.
No PP lembran a Formoso que a Xunta mellora as condicións de vida dos veciños de Meira, por exemplo, co Plan de Mellora de camiños Municipais de Acceso a Parcelas Agrícolas, cun orzamento de 32.600 euros. Por poñer só outro exemplo, co Proxecto de Creación, Mellora e Ampliación de Servizos Básicos Locais, no que figura o acondicionamento do acceso entre Seixosmil, en Meira, e Cuíñas, en Ribeira de Piquín, orzamentado en 47.830 euros.
No PP de Lugo poñen de relevo que se o secretario xeral do PSdeG de verdade quere fomentar o asentamento de poboación no rural ten que empezar por conseguir que os alcaldes do seu partido traten con respecto aos cidadáns. No caso de Lino Rodríguez, alcalde de Pol, aínda está recente a denuncia dun lucense polo modo en que foi tratado no campo de fútbol, e aínda más próxima no tempo a queixa expresada por unha parella por como foi tratada polo alcalde cando preguntou polo protocolo de actuación en relación cun can abandonado. O PP di que estes comportamentos “son inadmisibles e están danando a imaxe do concello”.
Os populares recomendan ao socialista Formoso que, se de verdade está preocupado por asentar poboación no rural, se dedique a traballar con seriedade para conseguilo e deixe de usar esta cuestión como ariete para facer oposición á Xunta de Galicia. Indican que “dende logo, o concello de Meira non é un bo escenario para facelo”.
No PP están convencidos de que alguén no PSdeG asesora mal a Formoso e lle recomenda elixir concellos para os seus actos dirixidos polos peores xestores socialistas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
