Ribadeo, 6 de agosto de 2022. Os Concellos de Ribadeo e Barreiros porán en marcha en setembro un novo obradoiro de emprego, denominado Vilas Coidadoras, que se centrará nas necesidades de atencións do maiores e que favorecerá a inserción laboral de 20 persoas desempregadas.
O concelleiro de Desenvolvemento Local, Pablo Vizoso, explicou que “de forma conxunta os Concellos de Ribadeo e de Barreiros imos poñer en marcha a mediados do mes de setembro o proxecto Vilas Coidadoras, un novo obradoiro de emprego co que se favorecerá a inserción laboral de 20 persoas desempregadas de ámbolos dous concellos, capacitándoas profesionalmente en dúas especialidades formativas”.
O edil ribadense dixo que “ademais de mellorar a capacitación profesional neste sector que tanta demanda ten actualmente, quérese priorizar as necesidades de atención e de apoio aos nosos maiores porque cremos que é o noso deber garantirlles a mellor calidade de vida posible, tanto a eles como aos seus coidadores.
Precisamente por estes motivos Vilas Coidadoras contará con dúas especialidades: por unha banda Atención sociosanitaria, que realizará gran parte do seu traballo práctico na residencia de San Sebastián e San Lázaro e na residencia municipal de maiores da vila de Ribadeo, atendendo, apoiando e axudando aos usuarios; e por outra banda a especialidade de Dinamización, programación e desenvolvemento de accións culturais, que persegue o obxectivo de entreter, integrar, ensinar e incluír á terceira idade, dinamizando e desenvolvendo actividades culturais entre as que se atopan a posta en marcha dun proxecto de fomento da lectura, a realización de talleres culturais de todo tipo ou a creación dun centro de recuperación e de difusión da cultura popular”.
Vizoso Galdo subliñou que “tamén se vai poñer en marcha o programa Coidando ao coidador, un proxecto de obradoiros e de charlas que busca promocionar a saúde e mellorar o benestar físico, emocional e social das persoas coidadoras de ámbolos dous concellos”.
O concelleiro de Desenvolvemento Local ribadense engadiu que “a posta en marcha deste obradoiro repercutirá na vida diaria dos nosos maiores dun xeito moi positivo e lúdico e á vez permitirá a aprendizaxe e a capacitación de 20 persoas para desempeñar este traballo, aspectos os dous que consideramos moi favorables tanto para o Concello de Ribadeo como para o de Barreiros”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
