Conde apunta que, desde que o Goberno aprobou en 2020 o decreto de medidas en materia de enerxía, as solicitudes de eólicos en Galicia se multiplicaron por nove —144 parques que suman 4100MW— cuns prazos moi xustos para a súa tramitación
Santiago de Compostela, 5 de outubro de 2022. O vicepresidente primeiro e conselleiro de Economía, Industria e Innovación, Francisco Conde, solicitou hoxe ao Goberno que amplíe os prazos de tramitación recollidos no Real Decreto Lei 23/2020 para desbloquear os proxectos eólicos pendentes e evitar a caducidade dos permisos de acceso e conexión á rede.
En resposta a unha pregunta no Pleno do Parlamento, Conde apuntou que, desde que o Goberno aprobou en xuño de 2020 o decreto de medidas en materia de enerxía, as solicitudes de eólicos en Galicia se multiplicaron por nove (acadando un total de 144 que suman 4100 MW), cuns prazos moi xustos para a súa tramitación.
Conde asegurou que a Xunta está a favor dun modelo eólico que conxugue todas as garantías ambientais, legais e técnicas de acordo á normativa autonómica, con medidas de axilidade administrativa para ofrecer seguridade e confianza aos promotores. Por iso, pediu tamén ao Executivo central que arquive os 65 proxectos informados negativamente pola Xunta de Galicia por estar fóra das áreas demarcadas no Plan sectorial eólico galego.
Industria electrointensiva
Por outra banda, preguntado pola reindustrialización da Mariña luguesa, Conde referiuse a Alcoa para subliñar que a industria electrointensiva precisa novas medidas para paliar un prezo da enerxía que, para este sector, se multiplicou por cinco desde 2020. A día de hoxe, abondou, a industria de gran consumo enerxético en España paga oito veces máis pola enerxía que en Francia, a pesar do mecanismo da excepcionalidade ibérica.
O vicepresidente económico sinalou que as medidas adoptadas polo Goberno son insuficientes porque a axuda máxima para compensar os custos indirectos de CO2 non chega ao 100% que permite a UE. Tampouco recuperou aínda o sistema de interrompibilidade que teñen todos os países europeos. Nin impulsa os contratos de PPA que estas empresas deben firmar para cumprir co Estatuto de Consumidor Electrointensivo, nin sequera contratos ponte.
Ao respecto, lembrou que a Xunta concedeu á planta de San Cibrao unha axuda de case 1M€ para mellorar a eficiencia enerxética, e promoveu a norma pola que se dará prioridade aos eólicos que destinen, cando menos, un 50% da enerxía á industria asentada en Galicia.
Conde concluíu pedindo ao Goberno o apoio dos fondos europeos Next Generation e defendendo a aprobación de axudas específicas para Galicia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
Tras o éxito das edicións anteriores, poderán participar maiores de idade e asociacións sen ánimo de lucro con polo menos 25 artigos usados, como roupa, libros, mobles ou electrodomésticos.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
