Foz 31 de outubro, 2022. O PSdeG de Foz presentou emendas por importe duns 15 millóns de euros ao orzamento da Xunta de Galicia. Dende a formación socialista -refire a súa Secretaria de Organización Maria Luisa Piñeira- consideramos que xa que este é, en palabras do Presidente da Xunta “o orzamento mais alto da historia”, a administración autonómica debe demostralo incluíndo as actuacións necesarias para mellorar a vida da poboación focense, logo de moitos anos sen apenas investimento en Foz por parte da Xunta.
As emendas céntranse nas áreas de benestar, saneamento, seguridade viaria e peonil, infraestruturas educativas, culturais e portuarias. Os proxectos presentados e demandados polo PSdeG de Foz, viables e necesarios, están pensados para dar resposta ás necesidades do noso pobo e a súa veciñanza.
Nos orzamentos da Xunta de Galicia para este 2023 figura unha única partida para a EDAR de Foz que, benvida sexa pero chega tarde acumulando anos de retraso- sentencia Maria Luisa Piñeira- A EDAR foi comprometida polo Goberno galego mediante convenio no 2016 con fecha tope para estar operativa no 2021. A día de hoxe, co contrato adxudicado en agosto do ano 2022 continúan sen comezar as obras. O orzamento só contempla unha partida para o ano 2023, sen partida para o ano 2024. Dende o PSOE de Foz demandamos que se inclúan as partidas necesarias ata completar o total do orzamento da licitación para que se executen as obras sen mais dilación.
Outra das emendas que presentamos os socialistas vai dirixida ao Consorcio Galego de Igualdade e Benestar, para que se inclúan as partidas necesarias para que a Residencia de Maiores de Foz, que xa naceu pequena con tan só 40 prazas de residencia e outras tantas de centro de día, se adecúe ás necesidades existentes e elimine as vergonzosas listas de agarda de máis de 124 persoas para a residencia, o que constitúe un auténtico despropósito xa que o tempo de agarda para obter unha praza de residencia pode estimarse en 25 anos, cunha perspectiva de empeoramento moi importante mes a mes, como leva denunciado o Alcalde de Foz Fran Cajoto.- explica Maria Luisa Piñeira, que prosigue relatando as demandas socialistas.
Unha reforma integral do CEIP Fondo Nois, de 50 anos de antigüidade, en moi mal estado por falla de inversión.
Unha zona segura para desembarco do alumnado que acude en autobús ao IES de Foz, situación que podería revertirse nos terreos do propio centro segundo un plano de deseño aportado polo Concello de Foz.
Unha partida para a dragaxe urxente do Porto Chico, no que a falta de calado imposibilita o seu uso normal. E xa que Portos de Galicia afirma que está a redactar un proxecto de reforma de dito porto, con aumento de amarres e modificación da bocana de entrada, plasme dito compromiso no orzamento. Así como unha partida orzamentaria para a mellora do firme na explanada portuaria do peirao de Foz, en pésimo estado, con numerosas fochancas e falta de varanda nunha zona que é empregada principalmente como estacionamento constituíndo un grave perigo, que inclúa a colocación de dita varanda en toda a fronte do peirao ata máis alá da nave do Clube Kayak.
Da Consellería de Infraestruturas e Mobilidade, reclamamos que inclúa as partidas orzamentarias necesarias para a execución da última fase de beirarrúas en Cangas de Foz, xa que a estrada LU-162 entre Ferreira do Valadouro e Cangas de Foz presenta unha intensidade media de vehículos moi elevada e a presenza de gran número vivendas en ambas marxes na zona de Cangas aumenta a perigosidade para os desprazamentos a pé de veciñas e veciños.
E seguimos demandando a construción de un Auditorio. Foz é o segundo concello da comarca da Mariña, con máis de 10400 habitantes. A pesar da gran importancia do tecido asociativo no eido cultural e a ampla programación que presenta o Concello, Foz vese tremendamente limitado ao non contar cun auditorio para que as representacións e espectáculos de todo tipo se desenrolen nun espazo axeitado. Na comarca da Mariña, concellos de menos de 5000 habitantes si contan con esta infraestrutura financiada pola Xunta de Galicia o que é un agravio comparativo ao noso xuízo- di para rematar Maria Luisa, a Secretaria de Organización do PSdeG focense.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
