Lembra que a presidenta da CE é do PP e exixe a Rueda que deixe a manipulación e a mentira e se poña a traballar para defender a frota galega
Santiago de Compostela, 8 outubro 2022. A portavoz nacional, Ana Pontón, urxiu a Xunta e Goberno estatal a facer toda a presión á hora de solicitar a moratoria na aplicación do veto europeo á pesca de fondo, unha decisión que considerou “absolutamente arbitraria” e que representa un novo ataque á pesca galega que, segundo afirmou, “non podemos permitir porque é un sector económico fundamental para Galiza”.
“Os gobernos teñen que actuar e de nada vale vir hoxe aquí a esta concentración se a proposta de moratoria non se pon sobre a mesa de maneira formal para evitar a destrución do noso sector pesqueiro”, recalcou durante a concentración celebrada en Ribeira en defensa da frota galega ante a decisión de Bruxelas, na que participou unha ampla delegación do BNG na que se atopaban a eurodeputada, Ana Miranda, o deputado no Congreso, Néstor Rego, e a portavoz de Pesca no Parlamento galego, Rosana Pérez.
A 24 horas de que se aplique a prohibición, Pontón advertiu que o luns “vai ser un día moi complicado no mar porque moitas persoas van saír co corazón nun nó e sen saber se a súa actividade vai ser rendible” ante o que cualificou como un “auténtico mazazo” ao sector galego “que hai que frear”.
Neste sentido, a líder nacionalista advertiu que o recurso anunciado polo Goberno estatal “pode tardar anos e en anos pode destruírse a capacidade pesqueira deste País”. “Cando nos dean a razón xa non haberá barcos que vaian a pescar”, incidiu, logo de subliñar que a decisión europea non ten “ningún tipo de xustificación nin dende o punto de vista científico, nin dende o punto de vista económico” e que, ademais, supón “quitar do mercado peixe fresco en plena crise de prezos”.
Pontón tamén lanzou unha mensaxe ao PP e a Alfonso Rueda, a quen pediu “que deixe de mentir con manipulacións” porque, segundo subliñou, o BNG está en Europa para defender a pesca galega “como fixemos sempre e como imos seguir facendo no futuro cunha voz clara e rotunda”. Neste sentido, recordou que “se hoxe estamos aquí” é porque “hai unha Comisión Europea na que ten maioría a dereita, cunha presidenta do PP europeo que impón esa sanción”.
“Menos manipulacións, menos ataques ao BNG e máis poñerse a traballar para defender a pesca galega”, incidiu, para engadir a continuación que “se fixeran ben o seu traballo, hoxe non estariamos aquí”. “Con ataques e con mentiras non se vai a tapar a incompetencia do PP”, advertiu, logo de concluír defendendo unha vez máis “unha mensaxe unánime de ‘Basta’” ante unha Unión Europea “que está significando a ruína da pesca galega”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
