Mondoñedo-Ferrol, 10 de outubro de 2022. A Diocese de Mondoñedo-Ferrol presentará oficialmente aos medios de comunicación e ás personalidades convidadas a Mesa Social de Infancia e Familia, así como os seus principais obxectivos e as entidades que a conforman.
A Mesa Social de Infancia e Familia configúrase como un espazo de reflexión e traballo constituido polas entidades sociais da Diocese de Mondoñedo-Ferrol, co obxecto principal de sumar esforzos no ámbito da formación, do traballo en rede, da sensibilización e da comunicación, acompañando aos nenos e nenas, adolescentes e ás súas familias.
O acto terá lugar o xoves 13 de outubro, ás 11:00 horas, na sede das relixiosas Esclavas de la Inmaculada Niña de Viveiro (Rúa Vicente Cociña, 1, 27850, Viveiro, Lugo), e contará cos seguintes intervintes: Mons. Fernando García Cadiñanos, bispo de Mondoñedo-Ferrol; Jesús Iglesias, director do Centro de Día de Menores “San Aníbal” de Burela (Lugo); Valentín Calvín, director do Centro Social “María Inmaculada” de O Barqueiro (Mañón, A Coruña); Dolores Fernández, relixiosa da Inmaculada Niña de Viveiro; e Marta Pazo, secretaria xeral de Cáritas Mondoñedo-Ferrol.
Para o sábado 15 de outubro está programada unha xornada formativa sobre a posta en marcha desta iniciativa, nas instalacións do Hotel “Val do Naseiro” de Viveiro, entre as 10:00 e as 15:00 horas. A programación inclúe a presentación das entidades fundadoras (Hermanas Apostólicas de Cristo Crucificado de O Barqueiro; Cáritas Diocesana de Mondoñedo-Ferrol; Esclavas de la Inmaculada Niña de Viveiro; e as Hijas del Divino Celo-Rogacionistas de Burela); a política marco de protección e actuación en casos de abusos sexuais a menores e adultos vulnerables; a Comisión Diocesana PROTEGE; e a nova Lei de Protección da Infancia (LOPIVI). A xornada rematará cunha eucaristía presidida polo bispo da diocese na igrexa de San Pedro de Viveiro e un xantar.
Para máis información e inscricións: 676 717 941- comunicacion.cdmondonedo@caritas.e
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
