Instáurase unha mención honorífica a medios de comunicación que se distinguen na sensibilización contra a violencia de xénero e a igualdade e que recae este ano na xornalista ourensá Cristina Huete
A Coruña, 12 de novembro de 2022.- A Delegación do Goberno en Galicia concede os recoñecementos Meninas 2022 aos equipos Viogen de Galicia da Garda Civil, á Marcha Mundial das Mulleres, á Asociación de Profesionais dos Centros de Información á Muller-ASOCIM, ao equipo feminino do Burela Fútbol Sala e ao Comando Igualdade do IES Alexandre Bóveda de Vigo. O xurado destes recoñecementos, presidido polo delegado do Goberno en Galicia, José Miñones, vén de fallar a quinta edición destes recoñecementos en Galicia con motivo da próxima celebración do 25N, Día Internacional da Eliminación da Violencia contra as Mulleres.
Tras coñecerse este fallo, o delegado do Goberno, José Miñones, trasladou as súas felicitacións ás responsables das entidades galardonadas e subliñou delas que “son o mellor exemplo de como a sociedade galega alza a súa voz contra a lacra da violencia machista e as desigualdades”, lembrando que esta tarefa esixe do compromiso e da unión de tódalas forzas e ámbitos da sociedade. José Miñones anunciou que as Meninas entregaranse nun acto institucional que se celebrará o vindeiro 21 de novembro no Hostal dos Reis Católicos en Santiago.
Os recoñecementos Meninas foron instituídos polo Goberno de España co obxecto de poñer en valor a persoas e institucións que incorporaran estratexias, iniciativas ou proxectos para combater a violencia sobre as mulleres e promover a igualdade. En Galicia este ano o recoñecemento alcanza a cinco entidades e institucións e engádese unha mención honorífica, que recae nesta ocasión na xornalista ourensá Cristina Huete Vales.
Fallo do xurado
Xunto co delegado do Goberno, José Miñones, o xurado completouse coas persoas titulares das subdelegacións provinciais: María Rivas, Isabel Rodríguez, Emilio González e Maica Larriba. Contou coas propostas da Unidade de Violencia de Xénero da Delegación e as súas unidades provinciais de coordinación. Nas súas deliberacións recibiron tamén aportacións da sociedade galega e achegas de candidaturas, que concluíron nun fallo final. Nel recóllense as motivacións de cada un dos recoñecementos:
O recoñecemento Meninas aos equipos Viogen de Galicia da Garda Civil achéganos o traballo destas unidades, creadas en 2022 como impulso da resposta da Garda Civil fronte á violencia de xénero. Estes equipos supuxeron un cambio substancial na forma de actuación da Garda Civil para avanzar a unha resposta integral no ámbito da loita contra a violencia de xénero.
A Asociación de Profesionais dos CIM de Galicia-ASOCIM representa a unha cincuentena de centros de información á muller de Galicia e loita contra a discriminación e pola promoción activa da igualdade de dereitos e oportunidades entre mulleres e homes como garantía dos dereitos humanos e as liberdades fundamentais. A Asociación tamén realiza unha labor de reivindicación e defensa dos centros e do seu persoal, de forma que contribúe á que a cidadanía coñeza o seu traballo e aumente a súa sensibilidade cara as cuestións de igualdade e de prevención da violencia machista.
No caso do Burela Fútbol Sala Feminino, o xurado recoñece o paso adiante que supuxo a sinatura, en 2018 e no seo desta entidade, do primeiro convenio colectivo para mulleres deportistas, con cláusulas específicas de conciliación e promoción profesional . Unha decisión histórica que tomou en solitario o club lucense e que constitúe un exemplo de como aplicar de forma efectiva a igualdade entre homes e mulleres no deporte. Nestes anos, o equipo feminino realiza accións de sensibilización e concienciación contra a violencia sobre a muller, dedicando partidos á loita pola igualdade efectiva de mulleres e homes e enviando mensaxes de sensibilización contra esta lacra.
O recoñecemento Meninas á Marcha Mundial das Mulleres premia o traballo desenvolvido por este colectivo feminista que reúnes, desde o 2000, a grupos de mulleres que actúan para eliminar as causas que orixinan a pobreza e a violencia contra as mulleres. Leva a cabo accións para a eliminación da violencia de xénero que teñen un gran impacto na sensibilización, visibilización, concienciación e eliminación da violencia contra as mulleres.
Por último, o xurado recoñece ao Comando Igualdade do IES Alexandre Bóveda de Vigo, integrado por estudantes de ESO e Bacharelato deste centro que traballa pola transformación social necesaria e urxente, capaz de superar o machismo, repensar a sexualidade e construír unhas relacións máis libres nunha sociedade máis xusta. Desde o seu nacemento, hai máis de 10 anos, moitos centros de secundaria están replicando o proxecto, de tal forma que o espírito do Comando contáxiase por toda Galicia e fóra de Galicia. Cabe resaltar tamén o seu labor na prevención, a través de accións directas, como a produción de pósters, obras de teatro, ou conversacións e relatorios.
Mención honorífica a medios de comunicación
Os recoñecementos Meninas 2022 conceden, por primeira vez, unha mención honorífica a medios de comunicación para recoñecer o labor de xornalistas e empresas xornalísticas que se significan na tarefa da loita contra a violencia de xénero, tanto na sensibilización fronte a esta lacra coma no rigor informativo do seu tratamento. No deseño desta mención, o xurado contou coa colaboración do Colexio Oficial de Xornalistas de Galicia, e quere poñer o foco no papel que xogan os medios de comunicación na promoción da igualdade e no proceso de prevención, detección e reparación da violencia contra as mulleres.
Nesta primeira ocasión, o xurado concede esta mención honorífica a Cristina Huete en recoñecemento á traxectoria profesional desta xornalista ourensá na que sobresae o seu compromiso coa igualdade e os dereitos das mulleres. Cristina Huete é licenciada en Xornalismo pola Universidade Complutense de Madrid e exerceu en distintos medios de comunicación galegos como La Región, Faro de Vigo ou La Voz de Galicia ata o ano 2006, cando se incorpora a El País.
Programación con motivo do 25 de novembro
A entrega dos recoñecementos Meninas completa un ambicioso programa de actos con motivo do 25 de novembro, impulsado pola Delegación do Goberno e as subdelegacións nas catro provincias. Estes actos comezaron o pasado mes de outubro e inclúen exposicións, xornadas formativas e accións de sensibilización.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.