Iria Carreira tamén defendía na iniciativa facer públicas as listas de espera do Sergas, estruturais e non estruturais, e incluír ás persoas doentes eliminadas pero o PP vetou estas dúas propostas
Santiago de Compostela, 30 de novembro, 2022. A portavoz de Sanidade hospitalaria do BNG, Iria Carreira acadou o compromiso do goberno para elaborar e poñer en marcha “un plan de choque” coa necesaria dotación económica para reducir as listas de espera na sanidade pública e “ter operativos todos os recursos” dos que dispón o SERGAS, (camas, quirófanos, etc.,) co fin de parar a derivación de doentes á sanidade privada mentres existan recursos dispoñibles para ser utilizados nos centros públicos.
A proposta defendida pola nacionalista tamén incluía “facer pública a totalidade das listas de espera do Sergas, tanto estruturais como non estruturais, e reincorporar ás persoas doentes eliminadas das mesmas”, pero o Partido popular vetou esta parte da iniciativa defendida pola deputada nacionalista.
Na súa intervención, Iria Carreira insistiu en que “o que máis lle gusta ao goberno é a falta de información” como evidencia a ausencia de datos sobre as listas de espera. “Non se están a citar a todas as pacientes a pesar de ter o dereito de saír do seu centro de saúde ou centro hospitalario cunha cita que confirme cando serán atendidas” e teñen que estar pendentes dun “xa a chamaremos”. O goberno, reiterou a deputada “non está garantindo este dereito”.
Por outra banda anunciou que o BNG continuará presentando iniciativas cos datos máis actualizados aos que teña acceso e para iso, dixo, agardamos que esta información sexa pública.
Tras a intervención da portavoz popular, María Encarga Amigo Díaz sobre a influencia da pandemia á hora de elaborar os datos relativos ás listas de espera, a parlamentaria do BNG, replicou que ninguén pode negar esta circunstancia e naquel momento xa advertimos que a COVID tiña unha grande repercusión sobre as listas de espera e que era preciso actuar para que estas non chegaran a situación límite que estamos vivindo. Mentres nós alertabamos do que podía acontecer, dixo o goberno continuou facendo “ouvidos xordos”.
Asemade, Carreira criticou a sangría de pacientes da sanidade pública á sanidade concertada e explicou que o modus operandi é sempre o mesmo, unha paciente que agarda por unha operación cirúrxica durante meses recibe unha chamada do Sergas para ser preguntada se acepta ser derivada a un centro concertado. Isto, recalcou, prodúcese de maneira sistemática para operacións que se realizan na súa maioría en centros concertados.
A deputada aceptou que existe unha certa tendencia positiva a pesar de que faltan as listas de espera non estruturais e pacientes que non contan cunha data asignada pero destacou que se produciu un “importante incremento” nas probas diagnósticas con máis de 1.000 pacientes agardando máis dun ano por unha proba sobre todo ecografías ou resonancias. Sobre esta cuestión, trasladou á portavoz de sanidade do PP a necesidade de implementar medidas para recortar os tempos de espera para este tipo de probas médicas.
Finalmente, a deputada do BNG volveu a pedir “un cambio de rumbo” nas políticas para as listas de espera e actuar sen dilación para reducilas definitivamente.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
