Ribadeo, 17 de novembro de 2022. Do 17 ao 29 de novembro estará aberto o prazo de inscrición para o Curso de Monitor/a de Actividades de Tempo Libre, que organiza o Concello de Ribadeo.
O curso, que dará comezo o 3 de decembro, terá una duración de 350 horas (200 horas lectivas + 150 horas de prácticas). A parte teórica impartirase durante os sábados e domingos. En horario de 9:00 a 14:00 e 15:00 a 20:00 horas.
As datas do curso son as seguintes: decembro (días 3, 4, 10, 11, 17 e 18); xaneiro (días14, 15, 21, 22, 28 e 29); febreiro (4, 5, 11 ,12, 25 e 26); e marzo (4 e 5 de marzo).
Desde a Concellaría de Mocidade, David Rivas, explicou que “para acadar o título de monitor/a de tempo libre é obrigatorio asistir ao curso podendo faltar como máximo o 20% das horas. O número de prazas é de 25. Para que o curso se leve a cabo será necesario contar cun mínimo de 15 prazas. As prazas cubriranse por orde de inscrición”.
O edil ribadense indicou que “o curso está destinado a rapaces e rapazas maiores de idade. Será obrigatorio estar en posesión de, polo menos, algún dos seguintes títulos: Graduado en Educación Secundaria, Graduado Escolar ou equivalente; ou técnico/a auxiliar en formación profesional ou outro equivalente”.
Para formalizar a inscrición será necesario presentar unha fotocopia do DNI, da cartilla da Seguridade Social, do xustificante de pago, unha foto recente, xustificante de estudos académicos e a ficha de inscrición. As solicitudes será entregadas, na Casa da Xuventude, sita na Rúa Antonio Otero, 15.
O prezo da actividade será de 150 euros. As persoas interesadas en obter máis información poden chamar ao teléfono 982129889 ou dirixirse á Casa da Xuventude.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
