O delegado territorial contrapón os avances do Goberno galego na VAP da Costa Norte coa parálise absoluta do Goberno do Estado na autovía A-74, que debería vertebrar a Mariña
Lugo, 24 de xaneiro de 2023. O delegado territorial da Xunta, Javier Arias, afirmou hoxe que o lamentable estado das infraestruturas estatais “frean o progreso económico e social da provincia de Lugo”. Arias opina que o derrubamento ocorrido na estrada N-642 en Burela “completa o panorama ruinoso dunhas comunicacións impropias deste século e deste país”.
O delegado destacou que a Xunta puxo en marcha nos últimos anos o treito Celeiro-San Cibrao da Vía de Altas Prestacións (VAP) Costa Norte, cun investimento de 50 millóns de euros, ademais da Variante de Ortigueira, que supuxo un investimento de 50 M€ máis, e sigue avanzando nesta vía de altas prestacións que comunica Ferrolterra e Ortegal coa Mariña. “Tal e como se acordou cos concellos, trabállase agora nos extremos, para o que se consignan 8 millóns de euros nos orzamentos do 2023 e comprométense 30 millóns para os próximos exercicios”, afirmou.
O delegado lembrou que esta obra necesita complementarse co tramo de titularidade estatal entre San Cibrao e Barreiros, no que está previsto unha autovía, a A-74, “totalmente desaparecida dos Orzamentos Xerais do Estado, que só recollen 500.000 euros no 2023 e nada para os vindeiros anos, porque posiblemente nin confían en executar esta partida”.
O acontecido na N-642 evidencia, en palabras de Javier Arias, “a pésima conservación das estradas estatais e o nulo interese do Goberno central por Lugo en xeral”. Neste sentido -engade Arias-, sete meses despois do afundimento do viaduto da A-6 en Pedrafita do Cebreiro non hai visos de reconstrución; os constantes atrasos na A-54 mantéñennos como a única provincia sen conexión directa por autovía coa capital, e no sur da provincia seguimos agardando pola autovía A-56 que debería conectarnos con Ourense, e pola A-76 a Ponferrada.
A isto súmanse o moi deficiente estado do firme da N-120, entre Ponferrada e Monforte de Lemos, da N-540 entre Lugo e Ourense, ou da N-VI ao seu paso pola capital, así como da propia A-6, entre outras moitas; tamén os cortes constantes da A-8 no alto do Fiouco, para os que non acaban de verse solucións, ou o deterioro do pavimento que xa se aprecia nalgúns puntos pola falta de mantemento, “problemas que entorpecen as nosas comunicacións, porque as estradas son a única posibilidade de conexión nunha provincia onde o ferrocarril é case inexistente”, lamenta o delegado.
Fronte a esta situación, Arias explicou que a Xunta destina máis 8 millóns de euros anuais á conservación ordinaria das estradas autonómicas na provincia de Lugo, á marxe dos proxectos de rehabilitación e mellora que se executan cada ano.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
