Os populares instan ao equipo de goberno do Concello a contratar con urxencia ao persoal necesario para o sistema de autonomía e atención á dependencia
Burela, 12 de xaneiro de 2023. O goberno municipal de Burela, presidido polo socialista Alfredo Llano, demostra unha notable falta de sensibilidade na xestión do sistema de axuda á dependencia. Así o entende o portavoz popular, Manuel Rouco, que insta a Llano a “contratar con urxencia ao persoal necesario para completar este servizo e a aumentar as horas nestas prestacións tan necesarias”.
Rouco sinala: “O Partido Popular de Burela ten que falar alto e claro e manifestar unha realidade innegable: o goberno local de Burela, socialista, esquécese dos nosos maiores”. Explica: “Coa entrada do ano 2023, o goberno socialista de Burela debería ter contratados dous novos profesionais para o sistema de autonomía e atención a dependencia, debido á baixa de dúas persoas que traballan neste ámbito. Do mesmo xeito prometeu incrementar as horas deste servizo para que as longas listas de espera en materia de dependencia se reducisen, pero nada cambiou polo de agora”.
O portavoz popular di: “Perder a autonomía e converterse en persoa dependente afecta a quen o padece e tamén aos familiares que proveen coidados e exercen en moitos casos como coidadores ou coidadoras principais”. Engade: “Hai moitas familias de Burela con persoas dependentes ao seu cargo. O Concello de Burela non mira por estas persoas dependentes e as súas familias e impídelles disfrutar dun dereito como é este servizo, enmarcado na lei 39/2006 do 14 de decembro, de promoción da autonomía persoal e atención ás persoas en situación de dependencia; esta lei ten por obxecto regular as condición básicas que garantan a igualdade no dereito subxectivo da cidadanía á promoción da autonomía e á atención as persoas en situación de dependencia”.
Os populares instan “ao goberno local socialista a que contrate con urxencia ao persoal necesario para completar este servizo e a que aumente as horas neste servizo tan necesario”. No PP de Burela esperan “que os socialistas, nesta ocasión, centren os seus esforzos na mellora do servizo e non en culpar a outros da súa falta de xestión”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
