Ribadeo, 23 de febreiro de 2023. Este mediodía en Ribadeo, no Cantón, foron entregadas 500 árbores destinadas a repoboar con frondosas as faixas de protección de vivendas e núcleos de poboación fronte aos incendios forestais. 30 persoas foron as beneficiarias desta axuda do Concello. O investimento ascendeu a 9.000 euros. No acto participaron o alcalde, Fernando Suárez, e o concelleiro de Medio Ambiente, Jorge Díaz.
O rexedor dixo: “destacar o orgullo que sentimos desde o Concello por ir aplicando a lei de incendios nestes últimos anos. En Ribadeo fixéronse grandísimos avances. Ao principio custou, sobre todo pola soidade debido a que o Concello de Ribadeo foi na vangarda practicamente por cumprir unha lei autonómica que o propio goberno galego decretou e creou hai anos pero tampouco a executaba”.
Suárez Barcia subliñou que “en Ribadeo fíxose unha actuación moi importante, os propietarios de parcelas que estaban rodeando núcleos ou vivendas na súa grandísima maioría fixeron as actuacións que a lei require, pero tamén desde o Concello todos os anos, e este non podía ser diferente, queremos axudarlles ou colaborar dalgún xeito para que todos aqueles propietarios que tiveron que desbrozar e cortar as especies pirófitas (acacias, eucaliptos ou pinos) e plantar no seu lugar a vexetación frondosa que si contempla a lei; precisamente cremos que o mellor xeito de protexer un núcleo ou unha vivenda é coa plantación de especies que non combustionan, que non son pirófitas, como carballo, castiñeiro, acivro, etcétera”.
E engadiu: “de aí que nesta convocatoria, na que investimos uns 9.000 euros de diñeiro público, vamos actuar con 30 persoas beneficiarias, todas as que solicitaron, ás que lles demos unhas 500 árbores, e vaise actuar nunhas 63 parcelas que supoñen unhas 8 hectáreas de superficie, que van sumarse a todas as especies vexetais frondosas que levamos dando xa desde hai anos para que o risco de incendio en Ribadeo cada día e cada ano se vaia minimizando. E que o exemplo de Ribadeo cunda en todos os concellos de todo o país”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
