José Miñones sinala que, en virtude dun convenio co Ministerio de Agricultura, Pesca e Alimentación, serán as principais organizacións do sector, entre elas varias entidades galegas, as encargadas de xestionar o pagamento das devanditas axudas
A Coruña, 21 de febreiro de 2023. O delegado do Goberno en Galicia, José Miñones, lembrou hoxe a recente apertura do prazo para solicitar as axudas que permitirán á frota galega e á do resto do Estado a compensar o incremento de custos de produción polo aumento do prezo dos combustibles como consecuencia da guerra en Ucraína.
Segundo explicou, o Ministerio de Agricultura, Pesca e Alimentación (MAPA), vén de abrir a pasada semana o prazo de presentación de solicitudes destas axudas, ás que poden acceder as empresas e armadores de buques e almadrabas ata o vindeiro 12 de marzo e ás que o Goberno destina 120 millóns de euros.
A este respecto José Miñones salientou o “enorme esforzo do Executivo de Pedro Sánchez por mitigar o impacto que o conflito bélico en Ucraína está a ter nos custos de produción das empresas que dependen dos combustibles fósiles para a súa actividade”. Na mesma liña, apuntou que “actuando nestes sectores tamén axudamos ás familias, pois o obxectivo das axudas e reducir tamén o impacto nos prezos finais dos produtos nos mercados”.
Xestión das axudas
O delegado do Goberno en Galicia explicou que estas axudas serán xestionadas directamente polas asociacións máis representativas do sector pesqueiro e acuícola. Para este fin, o Boletín Oficial do Estado (BOE) publicou nas últimas datas o convenio entre o Ministerio de Agricultura, Pesca e Alimentación e estas entidades que rexe a xestión e pagamento das axudas.
Entre as organizacións asinantes do devandito convenio figuran varias galegas, como a Organización de Palangreiros Guardeses (Orpagu); a Organización de Productores de Buques Congeladores de Merlúcidos, Cefalópodos y especies varias (OPPC3); a Organización de Produtores de Pesca Fresca do Porto de Vigo; a Organización de Produtores de Pesca Porto e Ría de Marín, a Asociación de Armadores de Palangre de Ribeira e Aguiño; a Organización de Produtores de Mexillón de Galicia (OPMEGA), a Organización de Produtores Pesqueiros de Burela, ou a Federación Provincial de Confrarías de Pescadores de Lugo. Xunto a elas, unha vintena de entidades locais e asociacións de ámbito estatal completan o listado.
Entre os cometidos destas asociacións están elaborar un listado dos solicitantes que cumpren cos requirimentos para ser beneficiarios xunto cos importes de axuda que lles correspondan, comprobar a documentación e xustificar posteriormente o pagamento das axudas ante a Dirección Xeral de Ordenación Pesqueira e Acuicultura. Como contrapartida por esta colaboración, cada entidade recibirá o 1% dos fondos distribuídos, unha compensación para a que o Goberno reserva un máximo de 495.049.50 euros.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
