O Concello, organizador do evento, instalou unha carpa de 1.200 metros cadrados para albergar esta cita gastronómica, que reúne entre hoxe e mañá uns 70 expositores
Lugo, 11 de febreiro de 2023. O Presidente da Deputación de Lugo, José Tomé Roca, acompañado do Alcalde, Carlos López, e de deputados e deputadas provinciais, participou este sábado na inauguración da XXVI Feira do Butelo que se celebra esta fin de semana na Fonsagrada. O Concello, organizador do evento, instalou unha carpa de 1.200 metros cadrados fronte á Casa Consistorial para albergar a cita gastronómica, que reúne entre hoxe e mañá uns 70 expositores e na que está previsto que se vendan 10.000 quilos de produtos cárnicos.
José Tomé felicitou ó Alcalde “e a todas as persoas que interveñen na organización desta festa, por un traballo intelixente e continuado na defensa deste produto, que é a defensa deste concello e da comarca”, e sinalou que se trata dun “manxar, de alta calidade, e tamén un atractivo moi importante desta terra, en torno ó que se crea riqueza”.
“Falar do butelo é falar de gastronomía e das nosas tradicións, pero tamén do turismo, que acude ano tras ano en maior número a este concello da Montaña, cheo de atractivos naturais, culturais e gastronómicos”, valorou o Presidente. Engadiu que “o butelo é o gran símbolo da Fonsagrada e da Montaña, é tamén un embaixador do bo nome da provincia de Lugo fóra das nosas fronteiras”.
Neste sentido, argumentou José Tomé que esta feira “pon en valor o traballo dos gandeiros e das empresas cárnicas para a elaboración deste produto, e do comercio local e dos establecementos hostaleiros que o inclúen nos seus menús. Un traballo ligado a autónomos e pequenas empresas do noso sector primario, que demostran o potencial desa economía de proximidade que tanto aporta, económica e socialmente, á nosa provincia”.
Sinalou o Presidente que desde a Deputación “temos un claro compromiso de colaboración cos concellos, especialmente cos do rural, como é A Fonsagrada. Reivindicamos que o rural necesita servizos públicos, infraestruturas, acceso ás novas tecnoloxías, e emprego e actividade económica para ter futuro”.
Un futuro que pasa tamén, asegurou, “pola defensa do sector primario, dos produtores, do comercio e da hostalaría local con accións coma esta feira”. “Os nosos gandeiros e agricultores”, reivindicou, “precisan políticas serias, de compromiso continuado, que lles dean certezas de cara ós seus proxectos de futuro, e non as incertezas que, por exemplo, estiveron sufrindo estes últimos tempos os produtores en ecolóxico”, dixo facendo referencia ás axudas da Administración autonómica, que ata que rectificou non cubrían a produción.
“Dende a Deputación de Lugo vamos seguir colaborando sempre co Concello da Fonsagrada para impulsar esta feira, así como con todas as iniciativas que supoñen a posta en valor do noso rural e dos nosos produtos, porque o seu futuro é o futuro da nosa provincia”, comprometeu o Presidente.
Tras a celebración da primeira xornada, mañá domingo entregarase a distinción de Butelo de Ouro, que este ano recae nas persoas voluntarias que confeccionaron máscaras durante o confinamento para a veciñanza. Tamén haberá actuacións do grupo de música tradicional Illa Pancha e da Asociación Cultural Antaruxas e Sorteiros.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
