Burela, 25 de marzo, 2023. Ás 16.00 desta tarde na Ciutat Esportiva Joan Gamper o Pescados Rubén Burela FS enfrontouse ao Barça Athlètic no partido da xornada 24 onde o equipo laranxa se levou os 3 puntos cun resultado final 3-4.
Comeza o encontro costa arriba para o Burela, no minuto 2 Rikelme mete en propia porta despois dunha falta a favor do equipo blaugrana que saca Rubén e dous minutos despois Puigvert anota o segundo tanto a pase de Touré. Despois dun par de ocasións claras para cada equipo, o conxunto mariñán comeza a presionar con maior intensidade e con maior posesión do balón. No minuto 11 Pitero ten unha moi boa ocasión, só ante o porteiro, que finalmente vai fóra. Tras un saque de banda rápido chega o primeiro gol do Burela no minuto 12, cun tiro de Isma desde media pista que Pau López non logra deter. Tras dous minutos de xogo, de novo Isma logra o empate cun rexeite despois dunha falta. Os pícaros comezan a sufrir un pouco ao poñerse con 5 faltas pero logra manter o resultado ata o descanso.
Na segunda parte o Burela vese máis seguro, xestionando o partido un pouco máis demde o balón, remonta o encontro grazas a un par de roubos en defensa. No minuto 22 David Pazos consegue o 2-3 tras un roubo na área do rival e tras dúas ocasións do equipo catalán, primeiro de Campás e logo de Touré chega o 2-4 cun gol de Eloy tras unha contra do Burela. No minuto 36 entra Kokoro de porteiro-xogador e tras dous paradóns de Kaluza, Aniol anota o 3-4 despois dun centro de Touré, a falta de 43 segundos para o final. A dúas décimas do final o Barça realiza un saque de banda cun pase a Aniol que remata con gol, pero ao estar fóra de tempo anúlase, xa sendo o saque de banda sobre a bucina.
O equipo de David Rial continúa consolidando o seu segundo posto cada vez máis preto dos playoff. Esta semana terán un pequeno descanso con motivo das semifinais da Copa do Rei que se celebrarán o sábado 1 de Abril. Ademais do breve descanso aproveitarán o parón para prepararse a fondo para o sprint final da tempada, empezando polo próximo encontro contra o Zaragoza en Vista Alegre o día 6 de abril ás 18h00.
Ficha Técnica Barça Athlètic – Pescados Rubén Burela FS
Barça Athlètic: Àlex Lluch (P) (C), Mamadou Touré, Harrison, Rubén, Aniol – cinco titular -, Ortas, Muinelo, Campàs, Puigvert, Kokoro, Rubén Rodó, Pau López (P)
Pescados Rubén Burela FS: M. Kaluza (P), Lucho (C), Pitero, Rikelme, David Pazos – cinco inicial -, Nito, Isma, Nando, Alberto, Antón Arnejo, Eloy, Bruno (P).
Goles: Min.2 Rikelme (PP) 1-0; min.4 Puigvert 2-0; min.13 Isma 2-1; min.15 Isma 2-2; min.22 David Pazos 2-3; min.27 Eloy 2-4; min.40 Aniol 3-4
Equipo Arbitral: Cristian Cubero García e Luis Manuel Manso Martín.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).