Castiñeira lembra que “cando se acometeron as obras da avenida da Mariña e de Álvaro Cunqueiro, de moita máis envergadura e con moitos máis afectados, creáronse prazas de aparcadoiro alternativas e fixéronse as obras por metades”
Foz, 8 de marzo de 2023. Agora que aguilloado pola proximidade das eleccións locais, o alcalde, Fran Cajoto (PSOE), sente présa por facer as obras que non fixo ao longo do mandato, queda en evidencia a súa incapacidade para xestionar o desenvolvemento dos proxectos sen causar graves prexuízos aos veciños, como pon de manifesto o portavoz popular, Javier Castiñeira: “Acumúlanse as queixas dos veciños afectados polas obras nas rúas entre a glorieta de Vilalba e o Campo da Cabana”.
Castiñeira explica: “Os residentes en 22 vivendas das 29 existentes na Praza de Galicia firman un escrito solicitando o cambio do proxecto e moita máis información sobre as obras que se pretenden levar a cabo en dita praza; non é admisible que o goberno faga obras sen ter informados aos veciños, como leva dicindo o PP dende que soubo do proxecto”.
Os populares indican que “os veciños atópanse con sorpresa con obras coas que non contaban”. No escrito, “os veciños, practicamente da totalidade das casas, porque hai algunha deshabitada, alegan que a maior parte das vivendas carecen de aparcadoiro e que o proxecto de Cajoto elimina máis da metade das prazas sen ter unha alternativa riba da mesa”. Castiñeira sinala que moitos destes veciños son maiores, non foron informados e temen que lles pase como aos veciños de Curros Enrique, perder o pouco aparcamento que teñen e que deben compartir con usuarios e profesores do colexio número 1 e, no verán, cos turistas”.
Castiñeira di: “Unha vez máis, dende o PP rogamos ao señor Cajoto que escoite aos afectados e que se deixe de antepoñer os seus intereses electorais por diante dos intereses dos veciños afectados”. Lembra que “cando se acometeron as obras da avenida da Mariña e de Álvaro Cunqueiro, de moita máis envergadura e con moitos máis afectados, creáronse prazas de aparcadoiro alternativas e fixéronse as obras por metades, para facilitar o acceso aos veciños e aos negocios; agora faise o contrario: elimínanse aparcadoiros e, os que hai, úsaos a empresa contratista, para o seu acomodo, e fanse as obras en toda a rúa, o que provoca que hai veciños que levan case dous meses sen poder usar os seus garaxes”.
No PP din que, a situación que describen, é o froito da desorganización do goberno local, fronte á que reclaman os veciños; “reclaman máis información e cambios no proxecto, porque afecta a moita xente que está en desacordo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
