Foz, 13 de abril, 2023. Parece que o Partido Popular de Foz vai ter programa nesta nova campaña electoral, despois de que hai catro anos pensara que os veciños de Foz non necesitaban que lles explicaran o seu proxecto para a vila.
“Agora todos os días nos explican unha proposta nova, algunhas que son de hai 6 anos e xa estaban no Concello, e que non realizaron no seu momento, coma a de Conde de Fontao. A eliminación da plusvalía tamén a puido levar a cabo durante os seus oito anos de goberno e non o fixo” Indica a número 2 da lista do PSdG-PSOE e actual concelleira de facenda, Inés López Couto.
“A verdade é que nos quedamos pasmados coas aseveracións do líder do Partido Popular en materia impositiva. O único que podemos crer como certo son os feitos de como actuou no seus oito anos de mandato. A realidade é que realizou catro subidas do IBI, coñecido como contribución, consecutivas e que suman máis dun 46%” e continúa “non se lles pode mentir aos veciños, como xa ten por costume, queda moi bonito dicir que se vai bonificar aos empadroados a contribución pero iso so é unha mentira, xa que en todo caso sería ilegal”.
A explicación debe basearse na lei: o Real Decreto Lexislativo 2/2004 regula as bonificacións que o estado lles permite aos municipios en materia de tributos municipais e son estas as únicas que se poden aplicar, non sendo posible facer unha “bonificación para empadroados, que a pesar de ser moi populista é unha medida que vai en contra do principio de Igualdade que marca a nosa Constitución”.
“Unha vez máis volve vender fume, coma a irrealidade na que vivía no 2015 co megaporto e o centro de ocio integrado de 5.000m2 que o acompañaba, ademais de moitos outros engadidos daquel súper-proxecto. Quizais falta vivir máis na realidade dos habitantes de Foz.” E finaliza “o resto de insultos habituais, non vamos entrar a valoralos”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
