Trabada, 23 de abril de 2023. O secretario xeral do PSdeG-PSOE, Valentín González Formoso, puxo este domingo en valor a “presenza contundente” que están a ter os socialistas no eido local ante a cita do 28M, a base de despregar nos concellos “un discurso moi pegado á defensa dos servizos de protección social”, pero tamén de estímulo ao emprego e e ao tecido económico e industrial.
Formoso participou en Trabada, Lugo, na presentación da candidatura de Mayra García Bermúdez para a reelección como alcaldesa. Referiuse a ela como unha dirixente “moi capaz e competente”, que soubo afrontar as ameazas de despoboamento, falta de servizos e de emprego que están a ter moitas localidades das zonas rurais de Galicia.
Salientou tamén os esforzos feitos pola alcaldesa socialista para levar servizos esenciais de conciliación ou transporte a todo o municipio, así como a residencia de maiores creada no concello da man da Deputación de Lugo e sen apoio algún da Xunta.
“Aquí a Xunta só vén a facer dano”, recriminou Formoso, “vén a intentar pechar Alcoa”, en contra do “sentido común” aportado polos traballadores que chegaron a un acordo co Ministerio de Industria para reabrir no 2024 unha planta da que depende unha parte importante ds riqueza da provincia de Lugo.
Na presentación tamén interviu Besteiro, o delegado do goberno en Galicia, que lembrou a aquela “pícara” que hai oito anos se alzou coa alcaldía de Trabada pedindo a construción dunha residencia de maiores por parte da Deputación de Lugo gobernara quen gobernara despois das eleccións. “Iso é o que nos diferencia a nós do PP”, sinalou Besteiro, quen concluíu que “cando se coñece como se traballa no Partido Socialista, un acaba namorándose do Partido Socialista”.
A Alcaldesa de Trabada e candidata, Mayra García lembrou na súa intervención a situación do Concello cando chegou a Alcaldía. “Herdamos un Concello cunha rede de estradas intransitable e moi deteriorada, con inmobles nos que chovía dentro e no que apenas se facían obras. Tampouco se realizaban actividades lúdicas, nin para os máis pequenos, nin para os maiores. Un Concello sen ningún servizo público municipal, porque Trabada lles pertencía a eles, e si tamén, un Concello sen un céntimo”.
Explicou que, tralo impulso de políticas progresistas as tornas cambiaron no Concello de Trabada. “Agora xa aparecemos no mapa, nestes intres o noso concello lidera o primeiro Índice de Desenvolvemento Rural Sostible de Galicia, tal e como sinalan os estudos das Universidades de Santiago e A Coruña. E fixémolo poñendo en marcha propostas como o punto de atención á infancia, así como diferentes programas de conciliación que antes non existían”, sinalou Mayra García.
“Polo tanto, os datos evidencian que hai dous modelos ben diferenciados de xestionar os recursos públicos en Trabada. O modelo do Partido Popular, de abandono e desidia e o modelo do Partido Socialista de traballo e xestión que como resultado ten a obtención de máis recursos que permiten, por unha banda, prestar servizos de calidade aos nosos veciños e por outra mellorar infraestruturas e inmobles. Pero todo isto non podo facelo soa, para iso rodeeime dun equipo de persoas que me aportan e que me apoian. Somos un equipo de 9 mulleres e 2 homes con ganas de seguir traballando e non primar os intereses individuais como moitos dos que van na lista do PP”, remarcou a rexedora.
“Quero ser Alcaldesa para traballar, para mellorar o noso pobo, con humildade e con respecto. E desta forma, os socialistas queremos seguir traballando para que Trabada teña máis recursos, poñéndolle corazón ao que facemos, nesa búsqueda constante para mellorar, porque cando traballamos con amor, nótase. Porque temos proxecto, forza e ganas para seguir traballando por Trabada, pídovos o voso apoio para seguir xestionando e que se siga vendo cada euro que conseguimos en beneficio do noso pobo”, dixo .
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
