Ribadeo, 11 de maio de 2023. Acisa e Concello de Ribadeo asinaron o convenio de colaboración anual que regula a axuda de 20.000 euros que recibe a asociación ribadense para seguir apoiando ao comercio e ao sector servizos, é dicir o consumo en clave local, e para levar adiante diversas iniciativas e actividades.
A presidenta de Acisa Ribadeo, Carmen Cruzado, indicou que “grazas á firma deste convenio, poderemos desenvolver diferentes accións de dinamización comercial e hostaleira e de promoción turística, tal y como vimos desenvolvendo nestes anos. Concello e Acisa seguimos a traballar xuntos, algo que sen dúbida algunha é bo para Ribadeo e para os nosos socios e socias. O convenio desde ano chega con novidades, grazas ás negociacións destes meses e ao traballo realizado dende o pasado ano por parte da xerencia de Acisa. Queremos agradecer dende a Asociación de Comerciantes, Industriais, Servizos e Autónomos de Ribadeo que o Concello atendera as nosas peticións a este respecto”.
O xerente de Acisa, Jesús Pérez, explicou que “neste convenio conseguimos unha ampliación orzamentaria, xa que pasa de 16.000 a 20.000 euros, co que poderemos ter mais capacidade para realizar actividades e comprar materias para os socios e socias de Acisa. De feito, nestas dúas liñas de actuación nas que se centre o convenio: na realización de actividades de dinamización comercial e hostaleira como concertos, sorteos, campañas promocionais e publicitarias, e na compra de materiais para entregar gratuitamente ás socias e socios do noso colectivo empresarial”.
O concelleiro de Comercio e Desenvolvemento Local, Pablo Vizoso, dixo que “este convenio pretende servir para acadar os obxectivos principais que nos marcamos, que veñen sendo a difusión do noso comercio, a acción formativa e de promoción turística e comercial, tamén iniciativas innovadoras e accións de apoio continuado ao comercio local”.
Vizoso Galdo engadiu que “coa sinatura deste convenio amosamos unha vez máis o compromiso do Concello coa actividade asociativa e co sector comercial e de servizos da nosa vila precisamente para que Ribadeo siga sendo un lugar de referencia dun comercio próximo e de calidade e un destino turístico principal”.
Na firma do convenio anual entre Concello de Ribadeo e Acisa, que tivo lugar no salón de plenos do Pazo de Ibáñez, participaron o alcalde, Fernando Suárez, a presidenta de Acisa, Carmen Cruzado, o concelleiro de Comercio, Pablo Vizoso, o xerente de Acisa, Jesús Perez, e o secretario accidental do Concello, José Rodil.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
