A mellora e ampliación do servizo de atención no fogar, un plan de conservación e reparación de viais como o que vai de Navia a Ribeira de Piquín, o polígono, o subministro de auga nas parroquias, unha programación cultural e deportiva ou un parque de bombeiros, son outros dos obxectivos do programa
A Fonsagrada, 7 de maio de 2023. O candidato á alcaldía do Partido Popular no municipio fonsagradino, Bernardo Niño, asegura que a candidatura que lidera “está deseñada para que quen gañe sexa A Fonsagrada. Queremos que o noso concello volva a ser un lugar atractivo para vivir e investir”, afirma. Por iso, explica, “incluímos accións programáticas axustadas ás necesidades do noso pobo que, durante estes anos de gobernos de esquerdas, perdeu en servizos e non xestionou bena atención ás persoas que máis o precisan, como poden ser os maiores ou os dependentes”.
Tal é así que, se acadan a confianza nas urnas, apostarán por dar servizo aos máis de 100 usuarios do SAF, que teñen pendente de recibilo, e incrementarán o orzamento municipal destinado a este fin, pois o actual goberno tan só gasta do presuposto local o 5%, fronte á Xunta de Galicia que paga o 75% do custe total.
Un plan de conservación e reparación de viais tan importantes para os veciños como a estrada que vai de Navia de Suarna a Ribeira de Piquín, o ansiado impulso do polígono industrial, a dotación do subministro de auga nas parroquias, unha programación cultural e deportiva ou a construción dun parque de bombeiros, son outros dos obxectivos do programa co que os populares concorren ás eleccións do 28M.
“Sabemos o que queremos porque somos homes e mulleres cunha gran vinculación coa realidade do noso concello. Somos pais de familia cos nosos nenos e vidas asentados na Fonsagrada”. Por iso, engade, “formamos un equipo que dará un xiro total á forma de facer política que ten o actual equipo de goberno”. “O traballo e a nosa lealdade aos veciños que viven nas distintas aldeas e parroquias centrarán a nosa acción de goberno”, remarca.
CANDIDATURA AO COMPLETO
Bernardo Niño agradece a implicación dos compañeiros da lista, destacando que, con respecto á 2019, a candidatura conta con 5 novas caras dos 16 que a conforman, mesturando así renovación con experiencia. Este ocupan os postos 5, 10, e os 1, 2 e 3 de suplentes. Ademais, é unha lista “moi representativa do que é A Fonsagrada”. Proba delo, detalla o alcaldable é que “levamos gandeiros, autónomos, sanitarios, administrativos, veterinarios, mestres, carteiros, etc”.
1. Bernardo Xabier Niño Neira.
2. Amelia López Niño.
3. Yrma Fernández López.
4. Adrián Fernández Fernández.
5. Soraya Fernández Sobrado.
6. Carlos Fernández Vázquez.
7. Rosario López Liñares.
8. Maira López Lombardero.
9. Nuria Capón Domínguez.
10. Luis Rodríguez Rodríguez.
11. José Manuel Álvares Pérez.
Suplentes:
1. Aniceto Díaz López.
2. Josefa Gómez Trabada.
3. María Jesús Álvarez Gómez.
4. Antonio Rodil Álvarez.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
