Viveiro, 24 de maio de 2023. O Concello de Viveiro pon en valor o traballo que se está a realizar dende a Biblioteca Municipal como referente a nivel comarcal tanto polas súas magníficas instalacións como polas numerosas iniciativas que acolle e que promove ao longo dos doce meses do ano.
Entre estas propostas destaca o Clube de Lectura en Feminino que modera e apadriña a actriz galega Estibaliza Veiga que, co obxectivo de mellorar e darlle maior dinamismo, facilitou neste último ano os encontros directos coas autoras dos libros cos que se está a traballar.
Deste xeito, e a prol dunha cultura en igualdade, as súas compoñente puideron conversar e compartir as súas impresións tanto a nivel presencial como a nivel telemático con escritoras como Rosa Coba, autora de “Pornografía”, Juana Gallego, sobre “Putas de Película”, María Rosa Lojo, co libro “Fisterra”, Vanessa Santiago, autora de “A vida sinxela de Marcelo Filamento”, así como con María Solar co libro “A Culpa” e Camila Sosa Villada con “Las Malas”. O seguinte encontro será o día 30 deste mes con Estíbaliz Espinosa e a súa obra “Zooommm”.
“Parécenos unha iniciativa moi nutritiva tanto para as autoras, que deste xeito poden establecer contacto directo co seu público, como para as lectoras que poden entender por que a autora escribiu dese xeito o seu libro”, destaca a alcaldesa de Viveiro, María Loureiro.
“Ademais disto, co Clube de Lectura empoderamos as figuras das mulleres escritoras, escritoras tamén en galego, porque nos parece imprescindible seguir loitando pola visibilización da muller en todas as áreas, e neste caso a nivel cultural”, subliña a concelleira de Cultura e Muller, Lara Fernández Fernández-Noriega.
“Seguiremos a traballar tanto para seguir plantando semente nos mais pequeniños para que sigan acudindo, como ata o de agora, a todos os eventos que propoñemos porque contamos cun gran número de participación sempre, como intentando aportar novas iniciativas”, engade a concelleira que adianta a posta en marcha dunha nova actividade para Viveiro baixo o título “A Biblioteca sae á rúa”.
“Continuaremos a traballar para que a nosa biblioteca ofreza mais e mellores e servicios, que sen dúbida algunha xa o fai, pero sempre se debe mellorar”, reitera Lara Fernández Fernández-Noriega.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
