O Concello de Viveiro colaborou na produción das dúas primeiras partes desta peza que percorre os 900 anos da historia da vila
Viveiro, 31 de maio de 2023. O Teatro Pastor Díaz acolle o venres 2 e o sábado 3 de xuño, ás 20:30 horas, a esperada estrea da primeira e segunda parte do documental “Viveiro a través do tempo”, unha peza dos curmáns David e Diego de Bartolomé que recolle os 900 nos de historia da vila e que conta coa colaboración do Concello de Viveiro e da Deputación.
Esta obra, que se comezou a artellar no ano 2018 e que sufriu diferentes cambios por mor da pandemia, naceu coa idea de que “crear un proxecto documental que englobara a historia de Viveiro contada polos seus veciños e por residentes” coa participación de máis de cen persoas e con numerosa documentación de fotografías, gravacións e entrevistas persoais.
A alcaldesa María Loureiro, e incluso unha sentida homenaxe dos seus fillos Melchor e Iván Roel ao finado alcalde Melchor Roel, xunto ao presidente da Xunta de Cofradias, José Veiga, e artistas como Alfonso Otero Regal, David Catá, ou o olímpico Adrián Ben, forman parte deste minucioso relato.
“Viveiro é o protagonista, pero a súa xente ten moitas voces interesantes”, subliñan os seus autores que insistente en que “non se pode contar unha historia de máis de 900 anos como esta, nunha película nin en dúas, pero comezamos por aquí”.
“Estamos realmente desexando poder desfrutar destes documentais. Somos conscientes do laborioso traballo que levaron a cabo, das dificultades que tiveron que superar, pero co talento que teñen e o amor que amosan sempre por Viveiro, estou convencida de que o resultado será asombroso”, subliña a alcaldesa María Loureiro.
“Foi un proceso difícil pero fascinante, porque Viveiro e a súa historia e historias parecen ser ilimitadas en anécdotas e momentos extraordinarios”, engade David de Bartolomé, que deixa aberta a posibilidade de continuar o documental cunha terceira parte ademais de adiantar a publicación dun libro que recompila todo o proceso de creación do proxecto, con material descartado, guión e imaxes non vistas nas películas, así como a edición dos documentais en DVD y Blu Ray.
O proxecto non ten ánimo de lucro e realizouse con fins totalmente culturais.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
