As obras servirán para darlle unha nova imaxe a este espazo social e facelo máis accesible e cómodo para a veciñanza
Lugo, 16 de xuño de 2023. A Xunta de Goberno da Deputación de Lugo aprobou este venres a adxudicación das obras para a humanización do Campo da Feira do Viveiró, en Muras, tal e como anunciou a voceira socialista do Goberno en funcións, Pilar García Porto, na rolda de prensa posterior á reunión semanal do Executivo.
Estes traballos, que se levan a cabo a través dunha colaboración entre a Deputación de Lugo e o Concello de Muras, foron adxudicados por un importe de 401.089,03€. “Deste orzamento, a Deputación de Lugo achega 371.200€ (o 92,56%), mentres que o Concello asume o 8% restante (29.800€)”, explicou García Porto.
“Esta colaboración económica servirá para darlle unha nova imaxe e para facer máis accesible e cómodo para a veciñanza un espazo social tan importante como o Campo da Feira do Viveiró, que acolle eventos importantes para este municipio e para a comarca como pode ser a Feira do Mel”, recalcou a Voceira socialista.
O proxecto para esta zona, pola que transcorren dúas estradas de titularidade da Deputación (a LU-P-3402 e a LU-P-6502), consiste na substitución da rede de saneamento, de pluviais, da rede de enerxía eléctrica, da rede de telecomunicacións e o alumeado público.
Así, mesmo renovarase o firme da superficie destinada a tráfico rodado e peonil, dando continuidade ao espazo co estendido de formigón igualando ambas zonas. Tamén se plantarán árbores de diferentes especies, como acivros, castiñeiros, carballos, pradairos ou loureiros.
As obras serán realizadas pola empresa Novavial SL e teñen un prazo de execución de 2 meses e 15 días, reducindo en dúas semanas os tempos de licitación. “Esta actuación é unha mostra máis da continua colaboración que dende a Deputación de Lugo prestamos aos 67 concellos da provincia para que poidan ofrecer máis e mellores servizos ós seus veciños co obxectivo de fixar poboación no territorio”, asegurou a Deputada.
Mellora de estradas
A Xunta de Goberno de hoxe aprobou tamén a valoración definitiva das obras de emerxencia acometidas na estrada provincial LU-P-0408, da Fonsagrada a Baleira por A Lastra, ao seu paso sobre o río Castelo para reparar os danos provocados polas choivas. O coste da actuación ascende a practicamente 75.000€.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
