Candia desexoulles moita sorte aos tres deputados (Francisco Conde, Jaime De Olano e Cristina Abades) e aos tres senadores (José Manuel Barreiro, María José Gómez e Juan Serrano) e instounos a “traballar en beneficio da provincia e dos lucenses”
Lugo, 27 de xullo de 2023. A presidenta do PP da provincia de Lugo, Elena Candia, subliñou esta tarde durante a reunión da Xunta Directiva Provincial que “Alberto Núñez Feijóo gañou as eleccións xerais e a provincia de Lugo foi moi importante neste resultado”. De feito, “a nosa foi a provincia con máis respaldo ao proxecto do noso presidente nacional, Feijóo, ao superar o 50% de apoio ao Partido Popular superando en 7 puntos porcentuais a media galega e en preto de 17 a media española”.
“Lugo apoiou masivamente outra vez ao Partido Popular”. De feito, a candidatura do PP ao Congreso por Lugo recibiu un total de 98.105 apoios (o 50,35%) subindo en 29.575 votos que se traducen nunha subida de máis de 12 puntos. É máis, “a lista do PP foi a gañadora en 63 dos 67 concellos da provincia, é dicir, no 94%”. Inclúense os concellos de maior poboación e, incluso, naqueles onde goberna outra cor política. De feito, o Partido Popular foi o máis votado en 30 concellos onde non ocupa o goberno municipal.
A presidenta provincial destacou tamén que “o PP é a forza que máis medrou en apoios”. De feito, supera á segunda (PSOE) e terceira forzas (BNG) en máis de 39.000 e 81.000 votos, respectivamente, que supoñen unha diferenza de máis de 20 e 42 puntos.
A cidade de Lugo tamén obtivo o mellor resultados das sete grandes cidades de Galicia con 25.952 votos que supoñen o 46,81%. É dicir, mellorando todas as cifras con respecto ao 2019 ao subir en 8.855 votos e en case 14 puntos. De feito, o PP gañou en tódalas mesas excepto en dúas: nunha empatou e noutra quedouse a só 2 votos do PSOE.
TRES DEPUTADOS E TRES SENADORES
Os populares lograron unha representación de 3 deputados na Cámara Baixa (Francisco Conde, Jaime De Olano e Cristina Abades), un máis que nas anteriores xerais, e 3 representantes tamén no Senado (José Manuel Barreiro, María José Gómez e Juan Serrano) apoiados por máis do 48% dos votos. Candia desexoulles moita sorte aos deputados e senadores e, sobre todo, instounos a “traballar en beneficio da provincia e dos lucenses”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
