A Agrupación Socialista da Pontenova alerta de que é “insostible esta situación” porque a lista de espera para unha consulta, independentemente da gravidade, é a día de hoxe de 20 días e de 22 para receitas
A Pontenova, 1 de setembro de 2023. A Agrupación Socialista da Pontenova denuncia a situación “insostible” pola que pasa a atención sanitaria no municipio, onde 1 só facultativo atende dende mediados do mes de agosto a toda a poboación, que ascende a máis de 2.100 persoas.
“Esta situación é moi grave, se hoxe mesmo pedimos cita para calquera consulta no noso Centro de Saúde, independentemente de para que sexa, non hai ocos libres ata o 20 de setembro”, indican, ao tempo que detallan que se a cita é para receitas, “non te atenden ata o 22 de setembro, e hai moitos veciños e veciñas que precisan a medicación, e sen receita na farmacia non che poden dar as menciñas”.
Ante isto, moitos pacientes vense na obriga de ter que acudir ao Punto de Atención Continuada (PAC) de Meira para poder ser atendidos das doenzas que padecen, pois “non poden esperar tantos días a que os vexa un facultativo no noso Centro de Saúde, estamos falando de case un mes”. Pero o PAC de Meira tamén presenta problemas de falta de persoal, pois “se o doutor que está de garda ten que ir a un domicilio, pode tardar ata 3 horas en volver, hai que ter en conta que este PAC dá servizo aos concellos da Pastoriza, Riotorto, A Pontenova, Ribeira de Piquín e Pol, e hai que engadir que temos un forte compoñente de avellentamento da poboación, que precisa de máis atencións”.
Os socialistas advirten de que neste ambulatorio había tres prazas de médico asignadas, pero dende hai un tempo só están ocupadas dúas e non se cobren nin baixas nin vacacións. “Esta situación que vivimos agora é derivada de non cubrir as vacacións do persoal, un feito que é totalmente previsible, é inxustificable que teñamos que vivir esta situación”.
No Centro de Saúde da Pontenova tampouco hai pediatra, “os nosos nenos e nenas teñen que ir a Meira onde un facultativo atende 3 días á semana e os outros 2 días atende na Pastoriza, ao ser compartido con outros municipios non hai cita na mesma semana, polo que hai que levalos ou ao PAC, ao Centro de Saúde ou a Urxencias do HULA se están enfermos”.
O Alcalde da Pontenova, Darío Campos, xa lle trasladou en varias ocasións ao xerente da área sanitaria a grave situación pola que pasa o Centro de Saúde do municipio, pero non houbo ningunha acción que se puxera en marcha para reverter a falta de persoal e indicóuselle que non tiñan suficiente persoal para cubrir o servizo.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
