A chuvia caída nas últimas horas axudou no control do incendio que lle afectou ao municipio
Ribadeo, 14 de outubro de 2023. Brigadistas con motobombas traballaron a pasada noite para extinguir o lume que se reavivou na ladeira do Mondigo e na Madanela. A situación, segundo o alcalde, Dani Vega, estivo en todo momento controlada. A chuvia caída nas últimas horas en Ribadeo axudou.
O rexedor ribadense dixo que “moito mais tranquila foi esta pasada noite, en todo momento contamos coa presenza de brigadistas e motobombas repartidos por todo o concello. Concretamente na zona de Cubelas, na ladeira do Mondigo avivouse un foco, que estivo en todo momento controlado e con maquinaria foi cortado automaticamente grazas á intervención dos brigadistas”.
Vega contou que “tamén na zona da Madanela, na parroquia de Vilaframil, houbo tamén algún risco esta pasada noite, pero en todo momento a situación estivo controlada”. E insistiu en que “toda a noite estiveron os brigadistas coas motobombas controlando a situación. Tamén axudou a choiva caída nas últimas horas en Ribadeo”.
O alcalde subliñou que “será nos vindeiros días cando tocará analizar e concretar medidas, pero nestes momentos o importante era controlar o incendio, iso fíxose e no día de hoxe podemos dicir que non temos activo ningún lume”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
