Dani Vega subliña que se trata dun inmoble cun valor patrimonial moi importante
Ribadeo, 31 de outubro de 2023. O Concello inviste 160.000 euros, procedentes da Xunta de Galicia, na rehabilitación da caseta dos camineros, que acollerá á sociedade deportiva do coto de caza de Remourelle. O alcalde, Dani Vega, destaca que se trata dun inmoble cun valor patrimonial moi importante.
O rexedor dixo que “seguimos xestionando o orzamento para investir no noso pobo, para seguir rehabilitando o que é de todos, e neste caso trátase dun patrimonio do que fomos herdeiros, xa que nos foi entregado por aqueles que antes o construíron e nos temos a obriga de conservalo”.
Vega cre que “todos estes edificios que atopamos abandonados deben ser rehabilitados, pero é moi importante darlles un uso para un colectivo, para unha entidade que está a traballar e que está a facer máis grande o noso pobo”.
O alcalde subliñou que “neste caso xestionamos preto de 160.000 euros, que por parte do Agader da Xunta nos foron entregados para rehabilitar un edificio que todos observábamos que estaba abandonado. Alí en Remourelle, a carón da estrada Reme-Vilamar, a antiga casa dos camineros estaba abandonada”.
Dani Vega explicou que “se trata dun edificio cun valor patrimonial moi importante. Nos, cando aínda estabamos na oposición, empezamos a xestionar o orzamento en colaboración coa sociedade deportiva do coto de caza de Remourelle, que levaba moitos anos reclamando que lles entregaran ese edificio en cesión para poder utilizalo. Pasaron distintos gobernos por Ribadeo, pero a idea non tivo éxito. E neste momento nos xa estamos a rehabilitar o edificio, pero insisto en que o traballo empezou cando estabamos na oposición”.
O rexedor tivo palabras de agradecemento: “grazas a todos os técnicos municipais que están a traballar, tamén ao coto de caza que colabora sistematicamente e grazas á Xunta de Galicia por esa partida tan importante de preto de 160.000 euros para amañar a cuberta, para o reforzo das paredes, a renovación de ventás e de portas, un novo solo en todo o edificio e eses traballos de rehabilitación para destacar esa marabillosa pedra das paredes e as contornas das ventás de cantería. Tamén foi eliminada toda a maleza que o rodeaba e agora atopamos un edificio limpo no seu exterior e estamos a concluír estas obras moi importantes. E ese edificio acollerá á sociedade deportiva do coto de caza de Remourelle, onde poderán facer as súas reunións, as súas actividades e os seus momentos máis lúdicos”.
E engadiu: “noroboa a todos e seguimos xestionando e investindo no noso patrimonio, que é a nosa obriga”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
