Burela, 26 de outubro, 2023. A Organización de Produtores Pesqueiros do Porto de Burela organiza o Congreso “Os Grandes Migradores: xestión sostible e nutrición”, que espertou gran interese dentro do sector, con máis de 100 profesionais seguindo o evento de forma presencial ou a distancia, xa que é a única xornada a nivel nacional que trata certas problemáticas.
Na apertura do evento, está a celebrarse esta semana no salón de actos de Armadores de Burela, participaron Sergio López e Juan José Otero, xerente e presidente de OPP-7 Burela; Carmela López, alcaldesa do Concello de Burela; Mónica Corrales, directora xeral de Pesca Sostible do Ministerio de Agricultura, Pesca e Alimentación; e Alfonso Villares, conselleiro do Mar da Xunta de Galicia.
O prato forte da primeira xornada, que se celebrou o xoves pola tarde, foi a intervención de Fernando Magdaleno Mais, subdirector xeral de Biodiversidade Terrestre e Mariña, do Ministerio para a Transición Ecolóxica e o Reto Demográfico, autoridade administrativa que xestionará CITES a partir do 25 novembro: “A xestión da tintorera en CITES a partir do 25 de novembro de 2023”.
Magdaleno explicou o funcionamento de CITES e en concreto as condicións para a xestión da tintorera, detallando como haberá que diferenciar as capturas pre-cites (antes do 25 de novembro) e post-cites, e as capturas entre augas internacionais (necesitaranse certificados de importación e exportación) e dentro da zona económica exclusiva.
O subdirector xeral de Biodiversidade recoñeceu que a xestión do marraxo fora un caos, dando así a razón ao sector, e prometeu que esperan facelo mellor coa tintorera.
Tamén fixo públicos os teléfonos e correos de contacto para a xestión, recomendando que os certificados se soliciten desde augas internacionais e con tempo suficiente para emitir os certificados antes de chegar a porto.
Sigiuendo coa mesma temática, a continuación celebrouse unha mesa redonda sobre Xestión Pesqueira Sostible, moderada por Gabriel Ocaña, asesor xurídico INTERFISH; coa intervención, ademais do propio Fernando Magdaleno, de Teresa Molina, subdirectora xeral de Acordos e Organizacións Rexionais de Pesca do Ministerio de Agricultura, Pesca e Alimentación; José Carlos Báez, investigador xefe do Programa de Túnidos do Instituto Español de Oceanografía; e Javier Garat, presidente de Europeche.
A primeira xornada do Congreso pechouse cun relatorio sobre dixitalización e comunicacións máis eficientes: “Disrupción en comunicacións satelitales mariñas”, a cargo de Eric Friedrich, director de Satcom Nautical do Grupo Arbulu.
A xornada do venres pola mañá tratatá temas como as boas prácticas pesqueiras, seguridade alimentaria, nutrición e saúde.
Esta acción está cofinanciada por Xunta de Galicia e FEMPA, incluída no plan de produción e comercialización anual da OPP-7 Porto de Burela co obxectivo de contribuír á rastrexabilidade dos produtos da pesca e ao acceso dos consumidores a información clara e completa.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
