O mandatario provincial subliñou que o proxecto “é unha mostra máis da continua colaboración que dende a Deputación de Lugo mantemos cos concellos da provincia para que poidan ofrecer máis e mellores servizos aos seus veciños, e poder fixar así poboación no rural”
Lugo, 19 de outubro de 2023. O Presidente da Deputación de Lugo, José Tomé Roca, xunto ao Alcalde de Muras, Manuel Requeijo, supervisou este xoves o avance das obras de humanización do Campo da Feira do Viveiró, ás que a institución provincial destina 400.000€, o que representa o 93% do orzamento total necesario para acometer a actuación.
O mandatario provincial e o rexedor comprobaron que os traballos están na fase final, pois nestes momentos estase acondicionando a LU-P-3402, que é a vía de acceso á contorna do Viveiró. Polo tanto, se as condicións meteorolóxicas o permiten, o Campo da Feira estará renovado para inicios de novembro.
José Tomé subliñou o impacto positivo que terá en termos económicos e sociais esta actuación financiada pola Deputación en Muras, “unha mostra máis”, engadiu, “da continua colaboración que mantemos cos concellos da provincia para que poidan ofrecer máis e mellores servizos aos seus veciños, e poder fixar así poboación no rural”.
Con estas obras de renovación recuperarase o campo da feira orixinal reordenando os usos e humanizando o entorno, co obxectivo de levar a cabo un profundo cambio na concepción da praza pasando a ser unha superficie de plataforma única máis accesible, cómoda e segura. Contará cun acabado de formigón lavado, con bandas lonxitudinais de pedra de 10 centímetros de ancho, e as estradas provinciais de acceso, a LU-P-3402 e a LU-P-6502, quedarán delimitadas coa plantación de arborado.
Nunha primeira fase, os traballos realizados consistiron na demolición das beirarrúas, o adoquinado, bordos e firmes da totalidade da superficie do ámbito de actuación, coa intención de liberar a zona. O proxecto inclúe a renovación das redes de servizos: pluviais e saneamento, alumeado público, abastecemento de augas, enerxía eléctrica e telecomunicacións. Ademais, plantaranse un total de 23 árbores e transplantaranse 3 existentes, entre os que haberá pradairos, acivros, castiñeiros, castaños e loureiros.
Finalmente, os traballos rematarán coa instalación do novo mobiliario urbano, que estará formado por papeleiras de 45 litros de capacidade, con corpo de aceiro galvanizado e cuberta de madeira, e bancos circulares, do mesmo estilo, de 2 metros de radio.
A previsión é que o novo Campo da Feira do Viveiró estea a punto para acoller o día 19 de novembro a celebración dunha nova edición dun dos eventos máis importantes do municipio como é a Feira do Mel.
Compromiso con Muras
O Presidente da Deputación trasladou durante a visita que a institución provincial leva investido preto de 3M€ no municipio de Muras desde o ano 2019, destinados á mellora das infraestruturas, estradas, fomento do emprego e políticas sociais.
Ademais do Campo da Feira do Viveiró, a Deputación, a través dun convenio co Concello, financiou de forma íntegra, con máis de 225.000€, a humanización da Praza da Galeguidade, que gañou en accesibilidade, comodidade e na que se reduciu considerablemente o tráfico.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
