Ribadeo, 9 de outubro de 2023. Acisa organiza de novo a campaña tarxeta aforro con descontos no combustible na estación de servizo Valcarce, de Ribadeo. Será do 11 de outubro ao 30 de novembro.
A presidente de Acisa, Carmen Cruzado, indicou que “o obxectivo desta campaña é o fomento da actividade comercial e hostaleira durante preto de dous meses mediante a fidelización do cliente tanto da vila como os visitantes a través de tarxetas de desconto de 0´09 euros por litro de combustible”.
O xerente da asociación ribadense, Jesús Pérez, explicou que “as tarxetas aforro obteranse gratuitamente realizando as compras ou consumicións en calquera dos establecementos asociados a Acisa Ribadeo, e so se entregará unha por cada tícket de compra por un importe mínimo de 10 euros. Esta promoción é válida dende este mércores, 11 de outubro, ata o 30 de novembro, período no que os clientes poderán lograr as súas tarxetas”.
Pérez Prada engadiu engadiu que “esta promoción non é acumulable a outras e as tarxetas deberán ir debidamente seladas por cada establecemento, sendo dun único uso. De modo que para aplicar un novo desconto noutra repostaxe deberá entregarse unha nova tarxeta. Esta campaña so é válida na estación de servizo Valcarce, de Ribadeo, que asume integramente o desconto dos 0´09 euros por litro”.
Cruzado Iglesias indicou que “Acisa Ribadeo xa levou a cabo esta campaña noutras ocasións e debido ao éxito obtido decidimos volver desenvolvela neste caso durante preto de dous meses, coincidindo con dúas épocas susceptibles para facer viaxes como é a inmediata ponte do Pilar e de defuntos”.
O xerente de Acisa dixo que “este ano que os carburantes están volvendo sufrir subidas de prezos pareceunos unha grande oportunidade poñela en marcha, xa que é unha forma directa de axudar a aforrar aos nosos clientes no seu día a día e por ese motivo imos poñer en circulación 40.000 tarxetas. En cifras, se estimamos que a capacidade media dun deposito pode roldar os 50 litros, esta campaña estaría valorada en un total de 180.000 euros de descontos en carburantes para os noso clientes”.
A presidenta de Acisa sinalou que “sen dúbida esta nova campaña de Acisa xunto coas do Bono Activa Comercio e das Panchas, fan de Ribadeo nas próximas semanas o mellor lugar para vir comprar ou tomar algo e desfrutar das vantaxes que se poñen a disposición dos nosos clientes”.
Na presentación da tarxeta aforro con descontos no combustible participaron a presidenta, o secretario e o xerente de Acisa, Carmen Cruzado, Felipe Fernández e Jesús Pérez.
Jesús Pérez lembrou que “dende hoxe pódense descargar xa os Bonos Activa Comercio por parte dos clientes. Queremos animar a todos os ribadenses a facelo e beneficiarse destes interesantes descontos que son unha oportunidade única para realizar as compras de tempada, da roupa de outono inverno ou incluso para aqueles que queiran ir mercando os regalos de Nadal, recordemos que esta campaña dura ata decembro. Parécenos importante tamén recordar, que o prazo para que os comercios se adhiran neste caso segue aberto, e facemos un chamamento a que máis negocios o fagan. A dia de hoxe 43 establecementos ribadenses forman parte da campaña”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
