Para o presidente de Sogama, Javier Domínguez, os datos desta primeira mostraxe veñen a corroborar o gran esforzo realizado polo equipo de goberno e á veciñanza
Cerceda, 17 de novembro de 2023. Os resultados das caracterizacións correspondentes á primeira entrega de materia orgánica procedente do Concello de Cervo na planta de biorresiduos de Sogama en Cuíña, evidencian unha calidade extraordinaria ao contabilizar un 98,21% de elementos propios (residuos de carácter orgánico) e tan só un 1,79% de impropios (algunha bolsa plástica e algunha botella de vidro).
As mostraxes realizadas por unha firma independente avalan o traballo previo de contenerización, dotación de medios e loxística despregado polo ente local, así coma o propio de información, formación e concienciación social desenvolvido no termo municipal co fin de que os veciños utilicen axeitadamente o contedor marrón e leven a cabo unha correcta selección da materia orgánica en orixe.
Cabe lembrar que Cervo foi o primeiro concello que entregou os seus biorresiduos na planta de compostaxe, dando mostras dunha gran fortaleza na recollida diferenciada da materia orgánica e o seu absoluto compromiso co cumprimento da lexislación vixente, xa que a normativa europea obriga aos municipios a instaurar este tipo de recollida antes do 31 de decembro do ano en curso.
Desta primeira entrega, que se materializou o pasado 8 de novembro, foron testemuñas a alcaldesa de Cervo, Dolores García Caramés, a tenente de alcaldesa e concelleira de Medio Ambiente, Manuela Méndez Álvarez, e o presidente de Sogama, Javier Domínguez Lino.
A instalación, á que se destinou un investimento de 6,4 millóns de euros, acolle todo o proceso de compostaxe -pretratamento, fermentación, maduración e almacenamento- e dispón de capacidade para tratar 3.000 toneladas anuais de materia orgánica, ademais de 1.600 toneladas de material estruturante —é dicir, podas e restos de madeira-. A produción estimada é de 1.500 toneladas de compost, cuxo destino será fundamentalmente a agricultura e a xardinería, en substitución dos fertilizantes artificiais.
Ademais, a planta equipouse con novos e innovadores sistemas de depuración de augas e de aire, así como de control do nivel de ruído, e é autosuficiente desde a dimensión enerxética ao estar alimentada por enerxías renovables, concretamente con paneis solares, contribuíndo desta forma á loita contra o cambio climático.
Para o presidente de Sogama, Javier Domínguez, o resultado da primeira caracterización vén demostrar que o esforzo ten a súa recompensa, e por iso anima aos cervenses a colaborar activamente no sistema de recollida selectiva de residuos para contribuír a protexer o medio ambiente e a saúde. Neste sentido, trasladou as súas felicitacións ao equipo de goberno e a toda a veciñanza, e animou ao resto dos municipios a seguir o camiño de Cervo, un concello plenamente comprometido coa sostibilidade.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
