Os populares non comparten as decisións da rexedora que vén de despedir recentemente ao técnico de xestión catastral, a pesar de ser unha área con boa acollida entre os bureleses
Burela, 6 de novembro de 2023. O Grupo Municipal Popular ten recibido as queixas de veciños e veciñas de Burela pola “falta de técnicos municipais nalgunha área do Concello” que os populares atribúen á “incompetencia do bipartito neste comezo de mandato”.
Os populares cren que “son os veciños e veciñas os que padecen a mala xestión da rexedora” en relación á organización do traballo dos técnicos municipais; xa que “non está a suplir a falta de persoal nalgunhas áreas”. É por iso polo que se dan casos nos que “algúns técnicos vén incrementada a súa carga de traballo” que supón prexuízos negativos para os veciños e veciñas.
Os concelleiros do PP non comparten algunhas decisións da alcaldesa que vén de “liquidar algún dos servizos, a pesar de que estaban a ter boa acollida. É o caso do técnico de xestión catastral que, segundo nos fixeron saber, vén de ser despedido recentemente”.
Os populares engaden, ademais, que “seguimos sen dispoñer de técnico de urbanismo nin aparellador -arquitecto ou arquitecta técnica- e o interventor municipal só está unha vez á semana”.
O Grupo Municipal Popular insta polo tanto á rexedora socialista a dar solución á falta de persoal técnico nas oficinas municipais para ofrecer unha atención áxil e de calidade aos bureleses e burelesas nas distintas áreas do Concello.
MERCADO SEMANAL
A falta de xestión deste goberno bipartito tamén se aprecia na tardanza en buscar unha solución ao mercado semanal dos venres. “Ao noso xuízo a consulta a comerciantes e veciñanza está ben, pero chega tarde”. Así o explican os populares despois de levar tempo advertindo que “o mercado semanal está a esmorecer”. De feito, os populares cren que “a procura de solucións ao mercado semanal tiña que ser unha das primeiras medidas que adoptase este goberno bipartito”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
